Óras ki un algen disidi ser un publikador, el ta rekonhese ma organizason relijiozu di Tistimunhas di Jeová na mundu interu (“Tistimunhas di Jeová”), ki ta inklui kongregason di Tistimunhas di Jeová na undi ki el sta i skritóriu di filial ki ta kuida di kel país undi ki el ta mora i tanbê otus organizason di Tistimunhas di Jeová, ta uza se informasons pesoal di akordu ku lei i interesi di relijion. Di akordu ku livru Organizados para Fazer a Vontade de Jeová, publikadoris ta da ses informason pesoal pa kongregason di ses livri vontadi, pa es pode partisipa na kes atividadi ki sta ligadu ku ses adorason i tanbê pa es resebe ajuda spritual. — 1 Pedru 5:2.

Kes informason pesoal pode ser nómi di un algen, data di nasimentu, si el é ómi ô mudjer, data di batismu, i informasons di kontatu ô tanbê informasons sobri se situason spritual, trabadju di pregason ki el faze, kalker responsabilidadi ki el ten na organizason di Tistimunhas di Jeová ô kalker otu informason ki publikadoris ta da timenti es ta partisipa na otus atividadi relijiozu. Kes informason tanbê pode ser kuzas ki ten aver ku ses krénsa relijiozu i tanbê otus informason pesoal sensível. Kuida di informasons pesoal pode inklui resebe, rejista, organiza, i guarda kes informason ô otus tipu di operason ki ta fazedu ku kes informason.

Lei di proteson di informasons na es país é:

Lei sobri proteson di informasons N^u 24 di 2019 i otus régra ki sta di akordu ku kel Lei.

Di akordu ku kel Lei di proteson di informasons li, publikadoris ta seta pa Tistimunhas di Jeová uza ses informason pesoal pa trata asuntus relijiozu sima kes-li:

• pa kuida i organiza relijion di Tistimunhas di Jeová

• pa partisipa na kalker runion di un kongregason di Tistimunhas di Jeová na kel país i na kalker trabadju ô prujétu voluntáriu

• pa partisipa na un runion, asenbleia ô kongrésu ki ta gravadu ku obijetivu di da instruson spritual pa Tistimunhas di Jeová na mundu interu

• pa da ô kunpri kalker diziginason na kongregason

• pa prenxe formuláriu Karton di publikador

• pa faze vizita di pastoreiu i resebe ajuda ki ansions di Tistimunhas di Jeová ta da (Atus 20:28; Tiagu 5:14, 15)

• pa guarda na lista di kes algen ki nu ta pâpia ku es na kazu di un imerjénsia.

Kes informason pesoal ta guardadu sô pa ténpu ki es mestedu pa kunpri kes obijetivu ki dja nu pâpia di es ô pa algun otu obijetivu ki nu meste. Si un publikador disidi ka da algun informason pesoal ki mestedu ô el ka krê pa se informasons pesoal guardadu i uzadu, Tistimunhas di Jeová ka ta pode sabe si kel algen sta kualifikadu pa kunpri alguns responsabilidadi na kongregason ô partisipa na alguns atividadi relijiozu.

Tistimunhas di Jeová ta trabadja na mundu interu. Pur isu, informasons pesoal di publikadoris pode mandadu, es pode pasa, ô es pode guardadu pa fóra di kel país undi ki es ta mora. Kel-li pode inklui kes país ki ten leis ki ta garanti nível diferenti di proteson di informasons, ki alvês pode ka ser igual ku nível di proteson di informasons di kel país di undi ki kes informason ben. Óras ki un informason ta mudadu di un lugar pa kel otu, Tistimunhas di Jeová ta toma medidas pa garanti un bon nível di suguransa. Kel-li pode inklui faze kontratus di tipu spesial pa kes mudansa. Tudu kes Tistimunha di Jeová ki ta resebe informasons pesoal ta uza informasons pesoal di publikadoris sô di akordu ku  Régras di Tistimunhas di Jeová sobri proteson jeral di informasons.

Publikadoris ten kes direitu li sobri ses informason pesoal ki Tistimunhas di Jeová ta guarda: direitu di odja kes informason,direitu di pidi pa kes informason mudadu ô pagadu; direitu di poi limiti na guarda i uza kes informason; i direitu di ka seta pa kes informason guardadu i uzadu. Si publikadoris da autorizason pa guarda i uza ses informason pesoal pa otus atividadi, es pode na kalker momentu, kansela ses autorizason sobri alguns manera ki ses informason pesoal pode uzadu na futuru. Si publikadoris ka seta pa kes informason guardadu i uzadu ô si es kansela ses autorizason ô es pidi pa ses informason pesoal pagadu ô pa poi limiti na manera ki ses informasons ta guardadu i uzadu, Tistimunhas di Jeová pode kontinua ta uza alguns informason pesoal ku bazi na kes obijetivu di nos Relijion ô otu motivu legal ki sta na Lei di proteson di informasons. Publikadoris sabe ma es ten direitu di kexa na autoridadi ki ta kontrola proteson di informasons na país ki es ta vive.

Tistimunhas di Jeová rezolve uza alguns medida di proteson tékiniku i di organizason, di akordu ku Lei di proteson di informasons, ku obijetivu di proteje informasons pesoal. Publikadoris sabe ma é sô alguns algen ki ten autorizason, ki pode odja ses informason pesoal pa kunpri kes obijetivu ki dja nu pâpia di es.

Kalker pergunta ki ta fazedu pa kel algen ki é enkaregadu di proteson di informasons pode mandadu pa email, pa:

InboxLGL.ke@jw.org

Publikadoris sabe ma identidadi i informasons di kontatu di kenha ki ta kontrola informasons na kel país ki es ta vive, i na alguns kazu, di se reprizentanti i di se enkaregadu di proteson di informasons, ta sta na pájina Kontatus pa proteson di informasons na jw.org.

Pode ser ki di ténpu en ténpu, nu pode muda nos manera di trata informasons, pamodi mudansas na nos atividadis relijiozu, na lei ô na tekinolojia ki nu ta uza. Si algun bês nu meste muda kel pájina di Uzu di informasons pesoal, nu ta publika kes mudansa na kel pájina li. Asi publikadoris sénpri ta sabe kal ki é alguns informason ki nu ta guarda i modi ki nu ta uza-s. Favor, di ténpu en ténpu djobe si fazedu mudansas na kel pájina li.