Si un Tistimunha di Jeová para di bai pregason i sisti runion, nu ka ta dexa di pâpia ku el. Na verdadi, nu ta nkoraja-l pa el bira se amor pa Deus más fórti.

 Sikrê un algen faze un pekadu gravi, kel-li ka krê fla ma el ta dizasosiadu. Má, si un Tistimunha di Jeová batizadu kontinua ta viola leis di Deus i el ka rapende, el ta dizasosiadu i nu ta dexa di pâpia ku el. Bíblia ta fla klaru: ‘Nhos tra kel algen mau di nhos meiu.’ — 1 Coríntios 5:13.

 Má i si un ómi dizasosiadu i se mudjer ku se fidjus kontinua ta sirbi Jeová? Mésmu ki el dexa di sirbi Jeová, inda el ta faze párti di família. Se mudjer ku se fidjus inda ta ama-l i ta trata-l ku ruspetu.

 Mésmu ki un algen sta dizasosiadu, inda el pode sisti nos runion. Tanbê si el krê, el pode pidi ajuda di ansions na kongregason. Ansions krê djuda kes ki sta dizasosiadu faze mudansas asi pa es pode sirbi Deus otu bês. Si un algen ki dizasosiadu para di faze kes kuza mariadu i el mostra ma el krê faze di verdadi kel ki Bíblia ta fla, el ta bira Tistimunha di Jeová otu bês.