Tistimunhas di Jeová ta oferese pa djuda-u prende kuzê ki Bíblia ta inxina. Kel studu di Bíblia pode djuda-u:

•   Ten un vida filís

•   Bira amigu di Deus

•   Prende kuzê ki Bíblia ta promete pa futuru

Na kel pájina li:

•  Kuzê ki é un studu di Bíblia?

•  N ten ki paga pa N studa Bíblia?

•  Kantu ténpu ki studu ta dura?

•  Modi ki N ta kumesa?

•  N pode odja primeru modi ki ta fazedu un studu di Bíblia?

•  Si N seta studa Bíblia, kel algen ki ta ba studa ku mi ta faze-m preson pa N bira un Tistimunha di Jeová?

•  N pode uza nha Bíblia?

•  N pode konvida otus algen pa studa Bíblia djuntu ku mi?

•  I si dja-m studaba Bíblia ku Tistimunhas di Jeová antis, N pode studa otu bês?

•  Nhos ten algun manera di djuda-m studa Bíblia sen un instrutor?

 Un Tistimunha di Jeová ta djuda-u intende Bíblia asuntu pa asuntu. Na livru Vive filís pa tudu ténpu!, bu ta prende poku-poku kuzê ki Bíblia ta inxina i modi ki el pode djuda-u. Pa bu sabe más, odja kel vídiu li.

 Nau. Tistimunhas di Jeová ta sigi kel orientason ki Jizus da se disiplus: “Nhos resebe di grasa, pur isu nhos da di grasa tanbê.” (Mateus 10:8) Tanbê, bu ka ta paga nada pa kel Bíblia nen pa kel livru Vive filís pa tudu ténpu!.

 Kel livru ten 60 lison. Bo ki ta disidi modi ki bu ta studa-s. Ten alguns algen ki ta disidi studa un lison ô más pa simana.

1.  1. Prenxe un pididu di studu di Bíblia na internet. Nu ta uza kes informason pesoal ki bu manda, sô pa responde bu pididu di resebe vizita di un Tistimunha di Jeová.

2.  2. Un Tistimunha di Jeová ta pâpia ku bo. Kel algen ki ta bai studa ku bo, ta splika-u modi ki ta fazedu un studu di Bíblia i el ta responde kalker pergunta ki bu ten.

3.  3. Bu pode konbina ku bu instrutor modi ki nhos ta studa. Nhos pode faze studu pa tilifóni, xamada ku vídiu, karta ô e-mail. Normalmenti studu ta dura un óra, má pode dura más ô ménus ténpu. Kel-li ta dipende di bo.

 Sin. Pa faze kel-li, prenxe un pididu di studu na internet. I óras ki algen ba studa ku bo, fla-l ma primeru bu krê sabe modi ki ta fazedu un studu, pa bu odja si bu ta gosta. El ta ba uza bruxura Vive filís pa tudu ténpu! ki ten três lison, ki ta djuda-u odja si bu ta gosta di studa ô nau.

 Nau. Tistimunhas di Jeová gosta di inxina pesoas sobri Bíblia, má nunka nu ka ta obriga ningen pa faze párti di nos relijion. Envês di kel-li, nu ta inxina kuzê ki Bíblia ta fla i nu ta faze kel-li ku ruspetu. Tanbê, nu ta rekonhese ma kada algen ten direitu di skodje na kuzê ki el ta kridita. — 1 Pedro 3:15.

 Sin. Bu pode uza kalker traduson di Bíblia ki bu krê. Enbóra nu gosta di uza Traduson di Mundu Novu, pamodi el é un traduson izatu, sinplis i fásil di intende, nu ta rekonhese ma txeu algen ta prifiri uza un traduson ki es konxe midjór.

 Sin. Bu pode konvida tudu bu família ô kalker amigu ki bu krê.

 Sin. Na verdadi, gósi bu ta ben gosta mutu más di kel novu manera di faze studu, pamodi el fazedu di manera ki ta djuda pesoas lida ku prublémas di nos ténpu. El ten más vídiu ku imajis i el fazedu di un manera ki bu ta pode partisipa más txeu.

 Sin. Enbóra maioria di studantis di Bíblia ta intende midjór óras ki es ta studa Bíblia ku un Tistimunha di Jeová, alguns na komésu ta prifiri studa es sô. Na jw.org, na párti Ajudas pa studa Bíblia, bu ta atxa txeu feraménta ki pode djuda-u studa Bíblia. Kes-li é alguns di es:

•   Vídius pa studa Bíblia. Kes vídiu pikinoti ta splika kes ensinu prinsipal di Bíblia.

•   Respóstas pa perguntas di Bíblia. Kes artigu li, ta da-u respósta pa txeu pergunta sobri Bíblia.

•   Splikason di testus di Bíblia. Diskubri kuzê ki testus di Bíblia, ki é txeu konxedu, krê fla di verdadi.