Vizita Betel
Nu sta konvida-u pa bu vizita nos filial, ki tanbê nu ta txoma di Betel. Alguns di nos skritórius tanbê ten aprizentasons ki bu pode odja sen algen pa mostra-u.
Kumesa vizitas na Betel otu bês: Na txeu país, nos Betel ta abri pa resebe vizitas na dia 1 di junhu di 2023. Pa bu sabe más informason, pâpia ku filial di kel país ki bu sta krê vizita. Favor, ka bu vizita ninhun Betel si bu tiver un testi puzitivu di COVID-19, si bu tiver algun sintóma di gripi ô konstipason ô si bu staba djuntu ku un algen ki ka dura li tevi un testi puzitivu di COVID-19.
Áfrika di Sul
Aprizentasons
Spasu pa konxe trabadju na Betel: Duránti kel vizita, alguns vídiu ta splika kuzê ki ta fazedu na Betel i modi ki Betel ta apoia nos adorason.
Spasu pa konxe lugar di inprimi nunbru 2: Ten vídius ki ta mostra pamodi ki é inportanti traduzi i inprimi publikasons na kes língua di kel lugar. I ten un lugar ki kes algen ki sta vizita ta fika pa es konsigi odja kes inpresora ta funsiona. Tanbê ten un aprizentason di Bíblias ki ta mostra stória sobri modi ki nómi di Deus uzadu na Bíblia na alguns língua di kel lugar.
Spasu pa konxe lugar di inprimi nunbru 3: Ten un lugar ki algen pode fika i ki ta da pa odja tudu kel spasu ki ta priparadu publikasons. I ten un ekran ki ta mostra pa undi ki kes publikason ki dja sta na kaxóti sta bai. Tanbê ten vídius ki ta mostra konstruson di Salons di Reinu, modi ki publikasons ta mandadu i modi ki ta fazedu gravasons i vídius.
Otus informason: Ten alguns otokaru ki ta leba kes algen ki sta vizita di un spasu di faze vizita pa kel otu. Tanbê ten un lugar ki fazedu pa kes algen ki sta faze vizita diskansa i la, es pode kume kel kumida ki es leba.
Inderésu i nunbru di tilifóni