Vizita Betel
Nu sta konvida-u pa bu vizita nos filial, ki tanbê nu ta txoma di Betel. Alguns di nos skritórius tanbê ten aprizentasons ki bu pode odja sen algen pa mostra-u.
Kumesa vizitas na Betel otu bês: Na txeu país, nos Betel ta abri pa resebe vizitas na dia 1 di junhu di 2023. Pa bu sabe más informason, pâpia ku filial di kel país ki bu sta krê vizita. Favor, ka bu vizita ninhun Betel si bu tiver un testi puzitivu di COVID-19, si bu tiver algun sintóma di gripi ô konstipason ô si bu staba djuntu ku un algen ki ka dura li tevi un testi puzitivu di COVID-19.
Brazil
Aprizentasons
Bíblia i se Autor. Kel aprizentason li ta da Jeová, ki é autor di Bíblia, kel ónra ki el merese. Tanbê el ta distaka kel téma prinsipal di Bíblia: Reinu di Deus. Kes algen ki ta bai vizita ta pode odja modi ki Bíblia txiga ti na nos ténpu i modi ki Autor di Bíblia proteje se mensaji orijinal, mésmu ku sforsus ki inimigus faze pa muda-l.
Aprizentason sobri stória di nos trabadju di pregason. Kel aprizentason li ta mostra modi ki Jeová abênsua trabadju di pregason na Brazil ki dja ten más di 120 anu ta fazedu. Kes algen ki ta bai vizita ta pode odja piskizas ki fazedu ka dura li ki ta mostra informasons novu ki atxadu sobri modi ki nos trabadju kumesa na Brazil i modi ki el omenta, mésmu ku opozison i pirsigison.
Inderésu i nunbru di tilifóni