Vizita Betel

Nu sta konvida-u pa bu vizita nos filial, ki tanbê nu ta txoma di Betel. Alguns di nos skritórius tanbê ten aprizentasons ki bu pode odja sen algen pa mostra-u.

Kumesa vizitas na Betel otu bês: Na txeu país, nos Betel ta abri pa resebe vizitas na dia 1 di junhu di 2023. Pa bu sabe más informason, pâpia ku filial di kel país ki bu sta krê vizita. Favor, ka bu vizita ninhun Betel si bu tiver un testi puzitivu di COVID-19, si bu tiver algun sintóma di gripi ô konstipason ô si bu staba djuntu ku un algen ki ka dura li tevi un testi puzitivu di COVID-19.

Skodje un lugar

Kuba

Vizitas

Bu debe faze markason antis di bu bai vizita? Sin. Pa ivita pa lugar ka fika xeiu dimás i pa tudu algen pode tra pruvetu di vizita, nu ta pidi pa tudu algen ki krê vizita pa marka antis di bai, ka ta inporta si é un grupu grandi ô nau. Favor marka bu vizita peloménus un simana antis. Si bu krê vizita na kes dia feriadu, nu ta rakumenda pa bu marka más sédu inda.

Bu pode faze vizita mésmu si bu ka faze markason antis? Si bu ka marka un vizita, talvês nu pode ka konsigi pô-u na un grupu. Má, pamodi prubléma di spasu, é sô un nunbru limitadu di algen ki ta pode faze vizita kada dia.

Ki óra ki bu debe txiga pa bu vizita? Pa ivita pa lugar ka fika xeiu dimás, favor ka bu txiga más di 15 minutu antis di kel óra ki bu marka bu vizita.

Modi ki bu ta marka un vizita? Si bu grupu ten ménus di 10 algen, klika na boton “Marka un vizita pa ménus di 10 algen”. Pa marka un vizita pa 10 algen ô más, favor uza nos kontatu ki sta dibaxu pa bu pâpia ku nos.

Bu pode muda ô dismarka vizita? Sin. Klika na boton “Odja ô muda bu markason”.

I si ka ten vizita na dia ki bu ta gostaba di bai? Kontinua ta djobe na site. Si otus algen muda ô dismarka ses vizita, pode parse spasu pa bu vizita na kel dia.

Marka un vizita pa ménus di 10 algen

Odja ô muda bu markason

Diskarega kel bruxura di vizita