Jun li sumal aj testiiw re li Jehobʼa keʼxtzʼeq li rochoch naq kikʼatk numenaq 10,000 kilométros cuadrados li kʼicheʼ aran Nueva Gales del Sur ut Queensland. Maajun rehebʼ li qechpaabʼanel kikamk chi moko kitochʼeʼk xbʼaan aʼin. Ebʼ li qachʼutlebʼaal kabʼl ut ebʼ li naʼaj bʼarwiʼ nawank li nimla chʼutam maakʼaʼ ajwiʼ keʼxkʼul.

Ebʼ li nekeʼtaqlank saʼ li tenamit keʼxkʼoxla naq yal xeʼxkʼe xxamlel li kʼicheʼ. Chalen chaq li po septiembre waqibʼ li kristiʼaan keʼkamk ut numenaq 650 li ochoch keʼkʼatk.

Keʼjalmank xnaʼaj 200 tana ebʼ laj testiiw re li Jehobʼa abʼan ak keʼruuk wiʼ chik sutqʼiik saʼebʼ li rochoch. Li sumal li keʼxtzʼeq li rochoch yookebʼ chi tenqʼaak xbʼaan jalanebʼ chik aj Testiiw. Ebʼ li cheekel winq saʼ li chʼuut yookebʼ xkawubʼresinkil xchʼool li xeʼxkʼul li rahilal rikʼin li Santil Hu (Hechos 20:28).