Saʼ li domingo 3 re junio 2018 aran Guatemala kipukʼeʼk li Volcán de Fuego, kirisi chaq naabʼal li xaml ut li xsibʼel kachʼin chik ma 9 kilómetros (6 leew) xteram. Wank tana 10 li chʼuut li kichʼaʼajkiik xbʼaan aʼin. Maajun rehebʼ li hermaan xeʼxkʼul rahilal, usta joʼkan 8 rehebʼ keʼjaleʼk xnaʼaj re naq inkʼaʼ teʼxkʼul rahilal wi tpukʼeʼq wiʼ chik li volcán. Joʼ naxye 2 Corintios 8:14, 15 ebʼ laj testiiw re li Jehobʼa li wankebʼ chixkʼatq li naʼajej bʼarwiʼ xkʼulmank li rahilal keʼxtenqʼa ebʼ li rechpaabʼanel rikʼin xkʼebʼal rehebʼ li naʼajmank chiruhebʼ, li ochochnal ut xkʼambʼalebʼ saʼ li naʼaj bʼarwiʼ teʼwanq.