Kachʼin chik ma wiibʼ mil chihabʼ xyeebʼal li chaqʼrabʼ aʼin rehebʼ laj paabʼanel: «Cherahaq leeras eeritzʼin». Ma nekeʼxpaabʼ li aatin aʼin ebʼ laj Testiiw re li Jehobʼa? Saʼ li bʼideo aʼin taawil oxibʼ li naʼlebʼ li yookebʼ xbʼaanunkil ebʼ laj Testiiw saʼ chixjunil li Ruuchichʼochʼ re xkʼutbʼesinkil naq nekeʼrahok usta li ruuchichʼochʼ aʼin xikʼ naʼilok: 1) xpuktesinkil li chaabʼil esilal rochbʼenebʼ li rech aj paabʼanel, 2) xtenqʼankilebʼ li wankeb saʼ rahilal ut 3) xloqʼoninkil li Yos saʼ junajil.