Sa’ chixjunil li Ruuchich’och’ naab’aleb’ li kristi’aan yookeb’ xk’ulb’al li rahilal xb’aan li nimla b’ut’ li naxjuk’ chixjunil. K’e reetal eb’ li esil a’in:

•   «Sa’ li tenamit China kit’ane’k li kawil ha’b’ li ink’a’ na’ilmank chalen 140 chihab’ anaqwan [...]. Chiru eb’ li kutan sábado toj miércoles xt’ane’k 29,3 pulgadas (744,8 milímetros) a chi ha’» (AP News, 2 re agosto 2023).

•   «Li kutan jueves, a’an li xk’ab’ kutan b’arwi’ li tifon Khanun kixk’am chaq kawil ha’b’ ut kawil iq’ b’arwi’ na’ok li iq’ aran Japón. Wiib’ tana li kristi’aan xe’kamk. [...] Na’oyb’enimank naq li tifon a’in tixkanab’ 0,6 metros (2 pies) b chi ha’ sa’ li k’iche’ re li tenamit Taiwán» (Deutsche Welle, 3 re agosto 2023).

•   «Li nimla b’ut’ li kiwank [sa’ li tenamit Nueva Escocia] sa’ xraqik li xamaan kichalk xb’aan li kawil ha’b’ li yook chi tane’k sa’ li Atlántico canadiense, ink’a’ na’ilmank a’in chalen 50 chihab’ anaqwan» (BBC News, 24 re julio 2023).

 K’aru naxye li Santil Hu chirix li yook chi k’ulmank?

 Li Santil Hu naxye naq wanko sa’ li q’ehil li nak’ab’a’iik «roso’jikeb’ li kutan» (2 Timoteo 3:1, Li Santil Hu, Sociedad Bíblica de Guatemala, SBG). Li Jesús  kixye naq «xiwajelaq» li tqil (Lucas 21:11, SBG). Chixjunil yook chi jalaak sa’ li qasutam, jo’kan naq xuwajel naq nachalk li kawil ha’b’, ink’a’ nanawmank joq’e tk’ulmanq ut rajlal yook chi k’ulmank.

 Li Santil Hu naxk’ut naq chixjunil li rahilal li nak’ulmank, a’an xyaalal naq wank qoyb’enihom. K’a’ut naqaye a’in? Xb’aan naq li Jesús kixye: «Naq teeril naq talajk’ulmanq a’in, chenawaq naq li xnimajwal awab’ejihom li Yos ak nach’ wan chaq» (Lucas 21:31, SBG; Mateo 24:3).

 Chixjunil li yook chi k’ulmank naxk’utb’esi naq chi seeb’ li X’awab’ejilal li Yos ttaqlanq sa’ xb’een li yob’tesihom ut tixtuqub’ ru chixjunil, sa’ xyanq a’in wank li nak’ulmank rik’in li ha’ (Job 36:27, 28; Salmo 107:29).

 Wi taawaj xnawb’al xkomon li na’leb’ chirix chanru li X’awab’ejilal li Yos tixtuqub’ ru li yob’tesihom, chaawil li na’leb’ «Ani tkoloq re li Ruuchichʼochʼ?».