LI NIMLA K’ANJEL CHIRIX XNIMANKIL LI XKAMIK LI JESÚS

Li Jesukriist tixsach li maa’usilal

XKʼEBʼAL CHI EKʼANK RIKʼIN

Li Jesús kirek’a ajwi’ li rahilal li naqak’ul sa’ ruq’eb’ li maa’useb’ xna’leb’. Ke’xq’ab’a, ke’xsak’, ke’raqok aatin, ke’xteneb’ kamk sa’ xb’een ut ra ke’xb’aanu re, naq kikamsiik. Usta maak’a’ xmaak, kixk’ulub’a kamk sa’ xk’ab’a’eb’ li junch’ol. Kixk’e «li xyu’am re xkolb’al naab’al li qas qitz’iin» (Mateo 20:28; Juan 15:13). Sa’ li qakutan a’an li Awab’ej sa’ li X’awab’ejilal li Yos. Chi seeb’ tixsach chixjunil li maa’usilal ut tixk’am chaq li tiikilal sa’ xb’een li Ruuchich’och’ (Isaías 42:3).

Li Santil Hu naxch’olob’ chanruhaq li ruuchich’och’ naq li Jesús tixsach li maa’usilal:

«Maak’a’aqeb’ chik li ink’a’ useb’ xna’leb’; us ta taasik’eb’ sa’ li xna’ajeb’, ab’an maab’ar chik taataweb’. A’ut eb’ li neb’a’ te’reechani li chaab’il na’ajej [li Ruuchichʼochʼ, TNM]. K’ajo’ xnimal li tuqtuukil usilal te’xyal chi junelik!» (Salmo 37:10, 11, Li Santil Hu, Sociedad Bíblica de Guatemala).

Chanru naqak’utb’esi naq naqab’anyoxi li ak kixb’aanu chaq li Jesús ut li tixb’aanu chiqix? Sa’ Lucas 22:19, li Jesús kixye reheb’ li xtzolom naq te’xjultika li xkamik. Jo’kan naq, rajlal chihab’ eb’ laj testiiw re li Jehob’a neke’ch’utlaak re xjultikankil li xkamik. Nakatqab’oq re naq too’aawochb’eni chi Xnimankil li xkamik li Jesús. T-uxmanq sa’ li domingo 24 re marzo 2024.

B’ar twanq li Xnimankil li xkamik li Jesús?