Eb’ laj kamsinel yookeb’ xsachb’al li tenamit Haití. Li kamsiink, li elq’ak ut jalan chik li maa’usilal yook chi xjelb’al rib’ aran Sudáfrica, México ut sa’ jalan chik eb’ li tenamit re Latinoamérica. Jo’kan ajwi’, sa’eb’ li na’aj b’arwi’ moko k’i ta chik li maa’usilal, eb’ li kristi’aan te’xuwaq xb’aan naq eb’ laj elq’ naru neke’wulak chi elq’ak sa’eb’ li rochoch.

 K’aru naxye li Santil Hu chirix li maa’usilal li yook chi numtaak sa’ xb’een chixjunil li Ruuchich’och’?

 Li Santil Hu ak kixye chaq naq li maa’usilal, a’an jun reheb’ li eetalil li tixk’utb’esi naq wanko sa’ jun li q’ehil li nak’ab’aiik «li xraqik li ruuchich’och’» (Mateo 24:3). Li Jesús ki’aatinak chirix li eetalil a’in ut kixye:

•   «Naq tkʼihanq li maaʼusilal, li xkʼihalil li qas qiitzʼin tixkanabʼ rahok» (Mateo 24:12).

 Ut naq na’aatinak chirix «li xraqik eb’ li kutan», li Santil Hu ak kixye chanruhaq xna’leb’eb’ li kristi’aan: «inkʼaʼ chik teʼxkuy ribʼ, chanchanaqebʼ li xul li qʼaxal josqʼebʼ, teʼxtzʼeqtaana li us» (2 Timoteo 3:1-5). Sa’ xk’ab’a’ naq ka’ajwi’ neke’xsik’ li us cho’q reheb’ ink’a’ chik neke’roxloq’i li chaq’rab’.

 Ab’an moko jo’ka’in ta toowanq chi junelik. Li Santil Hu naxye naq chi seeb’ tsachmanq li maa’usilal.

•   «Sa’ jun ch’ina k’amok maak’a’aqeb’ chik li ink’a’ useb’ xna’leb’; usta taasik’eb’ sa’ li xna’ajeb’, ab’an maab’ar chik taataweb’. A’ut eb’ li neb’a’ te’reechani li chaab’il na’ajej. K’ajo’ xnimal li tuqtuukil usilal te’xyal chi junelik!» (Salmo 37:10, 11, Li Santil Hu, Sociedad Bíblica de Guatemala).

 K’aru chik naxyeechi’i li Santil Hu cho’q re li kutan chalk re? K’a’ut naq ch’olch’ooq chaawu naq li yook chi k’ulmank anaqwan a’an xtz’aqlojik li propesiiy?Naru nakaatzol sa’eb’ li na’leb’ a’in:

 Li chaq’al ru yeechi’om cho’q re li kutan chalk re

 Kʼaru reetalil naq wanko saʼ rosoʼjikebʼ li kutan?

 Ma kixye chaq li Santil Hu chanru te’na’leb’aq eb’ li qas qiitz’in sa’ li qakutan?