JUNELIK AJʼAJAQ QU!
Ma truuq li Juegos Olímpicos xkʼambʼal chaq li junajil? | Kʼaru naxye li Santil Hu?
Saʼ li chihabʼ aʼin 2024, numenaq 5,000 miyon chi kristiʼaan teʼril li bʼatzʼunk Juegos Olímpicos bʼarwiʼ teʼtzʼaqonq 206 chi tenamit ut teep. Laj Thomas Bach, li najolomink re li Comité Olímpico Internacional, naxye: «Nokootzʼaqonk saʼ li bʼatzʼunk aʼin li naxkʼam chaq li tuqtuukilal». Moqon kixye: «Naqaninqʼehi li bʼatzʼunk aʼin xbʼaan naq chiqajunilo naqaj wank saʼ tuqtuukilal ut saʼ junajil usta chalenaqo saʼ jalan jalanq chi tenamit».
Ma truuq li bʼatzʼunk aʼin xtawbʼal li nekeʼraj? Ma wank li oybʼenihom re xtawbʼal li tuqtuukilal ut li junajil?
Ma naru xkʼambʼal chaq li tuqtuukilal ut li junajil?
Li bʼatzʼunk re li Juegos Olímpicos re li chihabʼ aʼin kixbʼaanu naq teʼkʼoxlaq li kristiʼaan. Xbʼaan naq chisaʼ xeʼxkʼe li naxchʼaʼajki ebʼ li kristiʼaan, li xʼawabʼejilal li winq, li xkʼulubʼebʼ li kristiʼaan, li tzʼeqtaanank ut li xikʼ ilok xbʼaan li paabʼal.
Abʼanan ebʼ li bʼatzʼunk aʼin naxkʼut ajwiʼ chanru nekeʼkʼoxlak ut nekeʼnaʼlebʼak ebʼ li kristiʼaan li naxbʼaanu naq maakʼaʼaq li junajil. Aʼin naxbʼaanu naq ebʼ li kristiʼaan inkʼaʼ nekeʼxjal chanru nekeʼnaʼlebʼak ut nekeʼkʼoxlak ut aʼin moko naxkʼam ta chaq li tuqtuukilal ut li junajil.
Li Santil Hu ak kixye naq joʼ chanru nekeʼnaʼlebʼak li kristiʼaan naxbʼaanu naq tchʼaʼajkoʼq xtawbʼal li junajil (2 Timoteo 3:1-5). Re xnawbʼal xkomon chirix li propesiiy aʼin, chaawil li naʼlebʼ «¿Predijo la Biblia cómo sería la gente en nuestros días?».
Li tkʼamoq chaq re li junajil ut li tuqtuukilal
Li Santil Hu naxye chanru xtawbʼal li junajil ut li tuqtuukilal saʼ ruuchichʼochʼ. Naxye naq chixjunilebʼ li kristiʼaan saʼ Ruuchichʼochʼ teʼwanq saʼ junajil rubʼel «li Xʼawabʼejilal li Yos» (Lucas 4:43; Mateo 6:10).
Li Awabʼej re li Awabʼejilal, aʼan li Jesukriist, tixbʼaanu naq twanq li tuqtuukilal saʼ ruuchichʼochʼ. Li Santil Hu naxye:
«Chiʼatzʼumaq li tiikil chʼoolej […]; kʼajoʼaq li tuqtuukilal» (Salmo 72:7, Li Santil Hu, Sociedad Bíblica de Guatemala, SBG).
«Aʼan taakoloq re li nebʼaʼ li yo chi tzʼaamank […]. Aʼan taaʼisinq rehebʼ saʼ li raasa ut li rahobʼtesiik» (Salmo 72:12, 14, SBG).
Toj saʼ li qakutan, li xkʼutum li Jesús ak xjunaji chi miyon ebʼ li kristiʼaan saʼ 239 chi tenamit ut teep. Ebʼ laj testiiw re li Jehobʼa xeʼxtzol chanru wank saʼ tuqtuukilal. Re xnawbʼal chanru xeʼxbʼaanu aʼin yaabʼasi li hu Laj Kʼaakʼalehom li naxkʼabʼaʼi «Qamichʼaq saʼ qachʼool li xikʼ ilok».
Maare twulaq ajwiʼ chaawu
QʼAXAL LOQʼ LI NAXKʼUT LI SANTIL HU
Kʼaru tzʼaqal Xnimajwal Awabʼejilal li Yos?
Li Jesus kixkʼe xchʼool chi aatinak chirix li Xʼawabʼejilal li Yos chiru jalan chik li naʼlebʼ. Ebʼ li xtzolom nekeʼxtzʼaama naq tchalq li Xʼawabʼejilal li Yos.
JUNCHʼOL CHIK EBʼ LI NAʼLEBʼ
Li chaq’al ru yeechi’om cho’q re li kutan chalk re
K’a’ut naq li naxyeechi’i li Santil Hu moko junaqik ta rik’in li neke’xyeechi’i ut li neke’xk’oxla eb’ li poyanam?
EBʼ LI PATZʼOM CHIRIX LI SANTIL HU
Chanru tchalq li tuqtuukilal saʼ Ruuchichʼochʼ?
Li Santil Hu naxye naq li Xʼawabʼejilal li Yos tixkʼam chaq li tuqtuukilal saʼ chixjunil li Ruuchichʼochʼ.
LI NAXKʼUT LI SANTIL HU
B’ar tatruuq xtawb’al xsumenkil eb’ li patz’om chirix li yu’am?
Ma wank aapatz’om chirix li yu’am, li kamk malaj li kutan chalk re? Naru nakaataw xsumenkil eb’ laapatz’om ut jalan chik. Ab’an, b’ar tatruuq xtawb’al?
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
