Sa’ li chihab’ 2023, eb’ laj b’anonel xe’xye naq naab’aleb’ li kristi’aan neke’rek’a rib’ xjunes ut aajel ru rilb’al chanru xtenq’ankileb’. Ma naru xq’axb’al ru li ch’a’ajkilal a’in?

•   «Naq wanko qajunes ut naqanajtob’resi qib’ rik’ineb’ li junch’ol naru nokooyajerk ut moko sahaq ta chik qach’ool. K’aru tooruuq xb’aanunkil re xq’axb’al ru a’in? Naru naqab’aanu junaq li na’leb’ li moko ch’a’aj ta re xchaab’ilob’resinkil li qamiiwil rik’ineb’ li junch’ol» (Vivek Murthy, director general de Salud Pública de Estados Unidos). a

 Moko aajel ta ru naq junaq li qas qiitz’in wanq xjunes, re naq trek’a rib’ xjunes. Maare junaq wank sa’ komonil ab’an xjunes narek’a rib’. Maak’a’ naxye k’a’ut naqek’a qib’ qajunes, sa’ li Santil Hu naqataw li chaab’il na’leb’ li tooxtenq’a chi xyalb’al qaq’e chiru li ch’a’ajkilal a’in, jun li na’leb’ a’an naq tqataw junaq li qachaab’il amiiw.

 Chat-aatinaq chi’us. A’in moko naraj ta xyeeb’al naq ka’ajwi’ chaawix tat-aatinaq; tento b’an taak’e aach’ool re rab’inkil li neke’xye ut li neke’rek’a li junch’ol. Naq q’axal taak’e aach’ool chirix junaq li qas qiitz’in, q’axal tchaab’ilo’q laa’amiwiil rik’in.

•   Xraqal li Santil Hu: «Meesik’ li us ka’ajwi’ cho’q eere, teesik’ b’an li us cho’q reheb’ li junch’ol» (Filipenses 2:4).

 Sik’ xkomon laawamiiw. K’uleb’ cho’q aawamiiw li cheekeb’ malaj saajeb’ chaawu, malaj li jalaneb’ xwanjik ut xtenamit.

•   Xraqal li Santil Hu: «Teehomaq leech’ool» (2 Corintios 6:13).

 Wi taawaj xnawb’al chanru xtawb’aleb’ laachaab’il amiiw, chaawil li tzolom «Cómo saciar la sed de amistad».