JUNELIK AJʼAJAQ QU!
Joqʼe traqeʼq ebʼ li nimla pleet? | Kʼaru naxye li Santil Hu?
«Anaqwan xhoonalil re naq ttuqlaaq ru chixjunil ut maakʼaʼ teʼoq wiʼ xkʼaʼuxl ebʼ li qas qiitzʼin. Anaqwan ajwiʼ xhoonalil re xkʼutbʼesinkil naq wank li kuyum» (aʼin kixye laj António Guterres jun rehebʼ li nakʼanjelak saʼ li molam Naciones Unidas chirix li nimla pleet li kixbʼaanu li tenamit Irán saʼ xbʼeen li tenamit Israel saʼ li sábado 13 re abril 2024).
Li nimla pleet li yook chi uxmank saʼebʼ li naʼaj li wank chi xsutam Israel yal jun eetalil chirix li yook chi kʼulmank saʼ chixjunil li ruuchichʼochʼ.
«Chalen naq xtiklaak li xkabʼ nimla pleet, numtajenaq wiʼ chik li chʼaʼajkilal li wank saʼ ruuchichʼochʼ ut saʼebʼ li qakutan, wiibʼ mil miyon li qas qiitzʼin wank saʼ chʼaʼaʼjkilal xbʼaan li nimla pleet aʼin» (Consejo de Seguridad de la ONU, 26 re enero 2023).
Saʼ xyanqebʼ li teep li xeʼchʼaʼajkiik xbʼaan li nimla pleet wank: Israel, Gaza, Siria, Azerbaiyán, Ucrania, Sudán, Etiopía, Níger, Myanmar ut Haití. a
Joqʼe traqeʼq ebʼ li nimla pleet? Ma teʼruuq xkʼambʼal chaq li tuqtuukilal ebʼ li nekeʼawabʼejink saʼ chixjunil li ruuchichʼochʼ? Kʼaru naxye li Santil Hu?
Li ruuchichʼochʼ wank saʼ nimla pleet
Saʼebʼ li qakʼutan, ebʼ li nimla pleet li wank saʼ chixjunil li ruuchichʼochʼ aʼan reetalil naq chi seebʼ tsachmanq chixjunil li nimla pleet. Jun li propesiiy naxye naq ebʼ li pleet aʼin naxkʼut naq wanko saʼ «xraqik li ruuchichʼochʼ» (Mateo 24:3).
«Laaʼex teerabʼi resil naq saʼ jalan jalanq chi tenamit yooq li yalok u. [...] Xbʼaan naq teʼyaloq tenamit rikʼin jalan chik tenamit ut awabʼejilal rikʼin jalan chik awabʼejilal» (Mateo 24:6, 7).
Taawil li naʼlebʼ «Kʼaru reetalil naq wanko saʼ rosoʼjikebʼ li kutan?». Li naʼlebʼ aʼin nokooxtenqʼa chi rilbʼal naq ebʼ li pleet li yook chi uxmank saʼebʼ li qakutan natzaqlok ru rikʼinebʼ li propesiiy li wank saʼ li Santil Hu.
Jun li nimla pleet li tixsach chixjunilebʼ li nimla pleet
Li Santil Hu kixye chaq rubʼelaj naq tsachmanq chixjunilebʼ li nimla pleet saʼ li Armagedón, «li yalok li twanq saʼ xnimal xkutankil li Nimajwal Yos» (Apocalipsis 16:14, 16). Naq ak xnumeʼk li nimla pleet, li Yos tixbʼaanu naq chixjunilebʼ li qas qiitzʼin teʼwanq chi junelik saʼ tuqtuukilal (Salmo 37:10, 11, 29).
Wi nakaawaj xnawbʼal xkomon li naʼlebʼ chirix li nimla pleet li tixsach chixjunilebʼ li nimla pleet, taawil li naʼlebʼ «Kʼaru li Armagedón?».
a ACLED Conflict Index: «Ranking violent conflict levels across the world» (Moko junajiq ta xnimal ru li raaxiikʼ li wank chi xsutam li ruuchichʼochʼ), enero 2024.
Maare twulaq ajwiʼ chaawu
QʼAXAL LOQʼ LI NAXKʼUT LI SANTIL HU
Kʼaʼut naq li Yos inkʼaʼ narisi li rahilal?
Ebʼ li qas qiitzʼin nekeʼxye, kʼaʼut naabʼal li xikʼ ilok ut li rahilal saʼ Ruuchichʼochʼ? Li Santil Hu naxchʼolobʼ aʼin ut naxkʼe qoybʼenihom.
JUNELIK AJ’AJAQ QU!
Ma sa’ Israel ttiklaaq li Armagedón? | K’aru naxye li Santil Hu?
Li naxye li hu Apocalipsis chirix li Armagedón naxsume li patz’om.
JUNCHʼOL CHIK EBʼ LI NAʼLEBʼ
Li chaq’al ru yeechi’om cho’q re li kutan chalk re
K’a’ut naq li naxyeechi’i li Santil Hu moko junaqik ta rik’in li neke’xyeechi’i ut li neke’xk’oxla eb’ li poyanam?
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
