Saʼ li 9 re octubre 2024, li Fondo Mundial para la Naturaleza kixye naq li kʼanjel li yookebʼ xbʼaanunkil ebʼ li kristiʼaan yook xrahobʼtesinkil ebʼ li xul. Xeʼxye naq kaʼaj chik nakanaak xyijachil li jun jachal ebʼ li xul li xeʼwank chiru li 50 chihabʼ xeʼnumeʼk (1970-2020). Xeʼxye ajwiʼ naq wi toj tkʼulmanq aʼin chiru li oobʼ chihabʼ li chalkebʼ re tsachmanq li Ruuchichʼochʼ.

 Ak re naq nasach qachʼool rabʼinkil aʼin, xbʼaan naq li Yos xooxyobʼtesi re naq tqilebʼ li xul (Génesis 1:27, 28; Proverbios 12:10). Joʼkan naq ra naqekʼa naq nekeʼrahobʼtesiik ebʼ li xul.

 Abʼan maare taakʼoxla: «Ma naru tqakol ebʼ li xul? Kʼaru naxye li Santil Hu?».

 Maakʼaʼ aj e naq tqayal qaqʼe xkolbʼal rix ebʼ li xul xbʼaan naq moko wank ta saʼ quqʼ xbʼaanunkil, kaʼajwiʼ li Yos truuq xbʼaanunkil. Li Santil Hu naxye saʼ Apocalipsis 11:18 naq li Yos tixsachebʼ «li yookebʼ xjukʼbʼal li ruuchichʼochʼ». Aʼin naxkʼut wiibʼ li naʼlebʼ:

1.  1. Li Yos inkʼaʼ tixkanabʼ naq ebʼ li kristiʼaan teʼxjukʼ li Ruuchichʼochʼ.

2.  2. Chi seebʼ li Yos t-okenq chirix aʼin. Kʼaʼut naqaye aʼin? Xbʼaan naq maajunwa ilbʼil naq kachʼin chik ma chixjunil ebʼ li xul teʼsacheʼq xmaak xkʼanjel li winq.

 Chanru li Yos tixtuqubʼ ru li chʼaʼajkilal aʼin? Tixbʼaanu rikʼin li Xʼawabʼejilal, li Awabʼejilal aʼin tixjolomi chixjunil li Ruuchichʼochʼ saʼ li kutan chalk re (Mateo 6:10). Rikʼin li Xʼawabʼejilal, li Jehobʼa tooxtzol re naq tqakʼaakʼalehebʼ ut tqilebʼ li xul (Isaías 11:9).