Sa’ li kutan viernes 24 re febrero 2023, tixb’aanu jun chihab’ li xtiklajik jun li nimla rahilal: li yalok u sa’ li tenamit Ucrania. Wiib’ oxib’ li esil neke’xye naq 300,000 aj puub’ re Ucrania ut Rusia xe’kamk malaj xe’toch’e’k, 30,000 chi poyanam sa’ li tenamit ak xe’kamk. Ab’anan, maare tnumtaaq xk’ihalil a’in.

 Ra xyeeb’al ab’an maare toj maaji’ traqe’k li yalok u a’in.

•   «Ak jun chihab’ chik naq eb’ laj puub’ re Rusia ke’ok sa’ li tenamit Ucrania, ut chanchan tawi’ naq li pleet a’in ink’a’ traqe’k. Moko nak’utunk ta naq jun reheb’ yook chi elk chi’ub’ej sa’ li yalok a’in malaj naraj xtuqub’ankil ru li cha’a’jkilal» (NPR [radio pública nacional de Estados Unidos], 19 re febrero 2023).

 Jo’kan naq naab’aleb’ li poyanam q’axal yookeb’ xk’a’uxl ut raheb’ sa’ xch’ool xb’aan naq li yalok u a’in yook xk’eb’al sa’ rahilal naab’aleb’ li kristi’aan sa’ chixjunil li ruuchich’och’. K’aru naxyeechi’i li Santil Hu? Ma traqe’q sa’ junaq kutan eb’ li yalok u?

 Li Santil Hu na’aatinak chirix jun li yalok u li moko tixkamsiheb’ ta li poyanam, tixkoleb’ b’an. Li yalok u a’in, nak’ab’a’iik Armagedón, ut sa’ li hu Apocalipsis naxye naq a’an li «li xnimal xkutankil li Nimajwal Yos» (Apocalipsis 16:14, 16, Li Santil Hu, Sociedad Bíblica de Guatemala). Sa’ li yalok u a’in li Yos tixsacheb’ li awab’ej re li ruuchich’och’ li yookeb’ xrahob’tesinkil eb’ li poyanam rik’in eb’ li yalok u. Wi taawaj xnawb’al chanru li Armagedón tixk’am chaq li tuqtuukilal, chaawil eb’ li na’leb’:

•   K’aru li Armagedón?

•   Li xk’ulunik li Armagedon a’an jun chaab’il esil