Toj maajiʼ nawulak li Paswa saʼ li 32 naq li Jesus kixbʼaanu jun li sachbʼachʼoolej, kaʼajwiʼ aʼin natawmank saʼ li kaahibʼ chi hu Ebʼ li chaabʼil esil.

Rikʼin li sachbʼachʼoolej aʼin, li Jesus kixxaqabʼ jun li eetalil li toj yook roksinkil saʼebʼ li qakutan.

14:16-21

• Li Jesus kixye rehebʼ li xtzolom naq teʼxchʼolani li kʼiila tenamit, usta yal oobʼ ajwiʼ li wa ut wiibʼ li kar wank rikʼinebʼ.

• Li Jesus kixchap ebʼ li wa ut ebʼ li kar ut, naq ak xtijok, kixjekʼi rehebʼ li xtzolom. Ut ebʼ aʼan keʼxjekʼi re li tenamit.

• Xbʼaan li sachbʼachʼoolej, keʼwaʼak toj reetal keʼnujak. Re xchʼolaninkil li tenamit moko naabʼalebʼ ta kiroksi, ebʼ li xtzolom.

• Li Jesus kixye chaq naq, saʼ rosoʼjik, tixsikʼ ani tkʼehoq re «xwahebʼ» li xtenamit «saʼ xqʼehil» (Mt 24:45).

• Saʼ li chihabʼ 1919, li Jesus kixsikʼ ru «li moosej tiik xchʼool ut wank xnaʼlebʼ», jun chʼina chʼuut aj paabʼanel li yulbʼilebʼ ru, ut kixxaqabʼ saʼ xbʼeenebʼ li xmoos, li nekeʼxkʼul ebʼ li naʼlebʼ re xkawresinkilebʼ li xpaabʼal.

• Rikʼin li chʼina chʼuut aj paabʼanel li yulbʼilebʼ ru, li Jesus yook roksinkil saʼebʼ li qakutan li eetalil li kixxaqabʼ chaq saʼ xkutankilebʼ li Apostol.

Chanru tinruuq xkʼutbʼesinkil naq ninkʼulubʼa ut naq oxloqʼ chiwu li naʼlebʼ li yook roksinkil li Jesus re xkawresinkil li xpaabʼal li xtenamit?