28 re abril toj 4 re mayo
PROVERBIOS 11
Bʼich 90 ut tijok | Wiibʼ oxibʼ li aatin re xtikibʼankil (1 kʼasal)
1. Maaye!
(10 kʼasal)
Maaye junaq li aatin li tixrahobʼtesi xchʼool laawas aawiitzʼin (Pr 11:9; w02 15/5 26 raqal 4).
Maaye junaq li aatin li tixbʼaanu naq twanq li jachok ibʼ (Pr 11:11; w02 15/5 27 raqal 2, 3).
Maaye ebʼ li naʼlebʼ li moko yeeheʼk ta naraj (Pr 11:12, 13; w20.03 21, 22 raqal 12, 13).
RE XKʼOXLANKIL: Joʼ kixye li Jesús saʼ Lucas 6:45, kʼaru tooxtenqʼa re naq inkʼaʼ tqarahobʼtesi xchʼool ebʼ li junchʼol rikʼin li naqaye?
2. Li tertokil pek
(10 kʼasal)
-
Pr 11:17. Kʼaru rusilal naxtaw li kristiʼaan li chaabʼil xnaʼlebʼ? (g20.1 11, kaaxukuut).
-
Kʼaru li tertokil pek xaataw saʼebʼ li xraqal li Santil Hu re li xamaan aʼin?
3. Xyaabʼasinkil li Santil Hu
(4 kʼasal) Jn 18:1-14 (th tzolom 5).
4. Raatinankil xbʼeen sut
(4 kʼasal) PUKTESINK YALAQ BʼAR. Naq tat-aatinaq rikʼin junaq li kristiʼaan, ye re junaq li naʼlebʼ li tojeʼ xaatzol saʼ jun li chʼutam (lmd tzolom 2 naʼlebʼ 4).
5. Ulaʼanihebʼ wiʼ chik
(4 kʼasal) PUKTESINK YALAQ BʼAR. Kʼut ut tzʼil rix junaq li bʼideo li wank saʼ li kʼanjelobʼaal re kʼutuk, abʼan maakʼe (lmd tzolom 8 naʼlebʼ 3).
6. Kʼehok tzolom
(4 kʼasal) PUKTESINK BʼARWIʼ NEKEʼNUMEʼK NAABʼAL LI KRISTIʼAAN. Yeechiʼi xtzolbʼal li Santil Hu re jun li kristiʼaan ut kʼut chiru chanru nabʼaanumank (lmd tzolom 10 naʼlebʼ 3).
Bʼich 157
7. Maasach li tuqtuukilal rikʼin li ruʼuj aawaqʼ
(15 kʼasal). Taatzʼil rix rikʼin li chʼuut.
Wank sut naqaye ebʼ li naʼlebʼ li moko us ta xbʼaan naq laaʼo aj maak (Snt 3:8). Abʼan xkʼebʼal saʼ qachʼool bʼar nokoopaltoʼk naq nokooʼaatinak tooxtenqʼa re naq inkʼaʼ tqaye ebʼ li naʼlebʼ li naru tixchʼina xchʼool ebʼ li junchʼol. Joʼ eetalil, aʼin wiibʼ oxibʼ li aatin li tooruuq xyeebʼal li tixsach li tuqtuukilal saʼ li chʼuut:
-
Xnimobʼresinkil qibʼ. Xkʼebʼal qaloqʼal naru tixbʼaanu naq twanq li pleetik ut li kaqalink saʼ xyanqebʼ li hermaan (Pr 27:2).
-
Inkʼaʼ xyeebʼal li yaal. Moko kaʼaj tawiʼ xyeebʼal junaq li tikʼtiʼ, aʼan ajwiʼ xyeebʼal junaq li aatin li tixbʼaanu naq ebʼ li junchʼol jalan teʼxkʼoxla. Inkʼaʼ xyeebʼal li yaal chirix junaq li naʼlebʼ naxbʼaanu naq ebʼ li junchʼol inkʼaʼ teʼxkʼojobʼ xchʼool qikʼin ut inkʼaʼ us teʼaatinaq chiqix (Ec 10:1).
-
Li molok aatin. Aʼan xyeebʼal li tikʼtiʼ chirixebʼ li junchʼol malaj xyeebʼal li moko yeeheʼk ta naraj (1Ti 5:13). Aʼin naxkʼam chaq jachok ibʼ ut pleetik.
-
Aatinak saʼ josqʼil. Naraj xyeebʼal xkanabʼankil naq li josqʼil tnumtaaq saʼ qabʼeen naq nokooʼaatinak rikʼin junaq li xrahobʼtesi qachʼool (Ef 4:26). Wi nokooʼaatinak chi joʼkaʼin, naru tqarahobʼtesi xchʼool jalanebʼ chik li kristiʼaan (Pr 29:22).
Kʼe li BʼIDEO Cheetzʼeqtaana li naʼlebʼ li naxjukʼ li tuqtuukilal (moko chixjunil ta). Moqon taapatzʼ:
-
Xbʼaan naq saʼ junpaat naru nasach li tuqtuukilal saʼ li chʼuut, kʼaru naqatzol saʼ li bʼideo aʼin chirix chanru tento tooʼaatinaq?
Re xnawbʼal chanru xtawmank wiʼ chik li tuqtuukilal, chaawil li bʼideo «Chasikʼ li tuqtuukilal ut chakʼe aachʼool chirix».
8. Xtzolbʼal li Santil Hu saʼ li chʼuut
(30 kʼasal) bt tzolom 25 raqal 14-21.
