QAYUʼAM JOʼ AJ PAABʼANEL
Li rahok reetalil ebʼ li tzʼaqal aj paabʼanel: Miqakʼe saʼ chʼaʼajkilal li wank saʼ junajil
KʼAʼUT US XBʼAANUNKIL. Saʼ li qʼoqyink naq toj maajiʼ nakamk li Jesus, kixtzʼaama re li Xyuwaʼ naq ebʼ li xtzolom teʼwanq tzʼaqal saʼ junajil (Jn 17:23). Re naq toowanq saʼ junajil, tento tqara qibʼ chiqibʼil qibʼ ut inkʼaʼ tqakʼe saʼ qachʼool li inkʼaʼ us nekeʼxbʼaanu qe (1Co 13:5).
CHANRU XBʼAANUNKIL
-
Junelik tqasikʼ li xchaabʼilal xnaʼlebʼ ebʼ li junchʼol, joʼ naxbʼaanu li Jehobʼa.
-
Inkʼaʼ toobʼayq chi kuyuk maak.
-
Tqakʼam wiʼ chik qibʼ saʼ usilal ut inkʼaʼ chik tqaye li xkʼulmank (Pr 17:9).
NAQ AK XAAWIL LI BʼIDEO QARAHAQ QIBʼ CHIQIBʼIL QIBʼ: LI RAHOK INKʼAʼ NAXKʼE SAʼ XCHʼOOL LI INKʼAʼ US NAXKʼUL, TAASUME EBʼ LI PATZʼOM AʼIN:
-
Kʼaʼut taaye raj naq, saʼ xtiklajik, li xʼElena yook chaq xkʼebʼal «saʼ xchʼool li inkʼaʼ us naxkʼul»?
-
Chanru kiruuk li xʼElena risinkil saʼ xkʼaʼuxl li naʼlebʼ li inkʼaʼ natenqʼank re?
-
Kʼaru kixbʼaanu li xʼElena re naq li chʼuut twanq saʼ junajil?
Ani jwal naxkʼe ribʼ saʼ chʼaʼajkilal naq naqakʼe saʼ qachʼool li inkʼaʼ us xeʼxbʼaanu qe?
