AJSI AAWU! Ajl 2, 2018 | Tzol 12 li naʼlebʼ re naq sahaq saʼ xchʼool li junkabʼal
Tzol 12 li naʼlebʼ re naq sahaq saʼ xchʼool li junkabʼal
Saʼebʼ li qakutan naabʼalebʼ li junkabʼal nekeʼxjach ribʼebʼ. Abʼan, kʼaʼut toj natawmank ebʼ li junkabʼal li wankebʼ saʼ junajil? Kʼaru natenqʼank rehebʼ?
Chiruhebʼ li chihabʼ 1990 ut 2015 saʼ Estados Unidos, kitaqeʼk wiibʼ sut xkʼihalil li kristiʼaan li wank 50 chihabʼ rehebʼ li nekeʼxraq li xsumlajik ut li wank 65 chihabʼ rehebʼ kitaqeʼk oxibʼ sut xkʼihalil.
Wiibʼ oxibʼ li kristiʼaan li wankebʼ xnawom nekeʼxye naq tento xwaklesinkil xchʼoolebʼ li alal kʼajolbʼej rikʼin li nekeʼxbʼaanu. Junchʼol chik, nekeʼxye naq tento xkʼebʼalebʼ chi bʼaq. Ebʼ li naʼbʼej yuwaʼbʼej inkʼaʼ chik nekeʼxnaw kʼaru xbʼaanunkil.
Ebʼ li saaj nekeʼwinqiloʼq malaj nekeʼixqiloʼq chi maakʼaʼ nekeʼxnaw xbʼaanunkil re naq us teʼelq saʼ li xyuʼamebʼ.
Abʼan naru naq jalanaq ru xyaalalil.
Naru nawank li sahil chʼoolejil saʼ leesumlajik chi inkʼaʼ teejach eeribʼ.
Ebʼ li naʼbʼej yuwaʼbʼej naru nekeʼxtzol xtijbʼalebʼ li ralal xkʼajol rikʼin rahok.
Ebʼ li saaj naru teʼxnaw kʼaru xbʼaanunkil naq teʼwinqiloʼq malaj teʼixqiloʼq.
Kʼaru ttenqʼanq rehebʼ? Saʼ li hu aʼin Ajsi aawu! taataw 12 li naʼlebʼ re naq sahaq saʼ xchʼool li junkabʼal.
1. Xkʼebʼal xwankil li sumlajik
Oxibʼ li naʼlebʼ li tatxtenqʼa re naq maajunwa taajach aawibʼ.
2. Kʼanjelak saʼ junajil
Ma nakaawil laasumʼaatin yal jun naʼochbʼenink aawe saʼ li ochoch?
3. Li oxloqʼink
Kʼaru ebʼ li aatin ut li bʼaanuhom naxbʼaanu naq laasumʼaatin trekʼa naq nakaawoxloqʼi?
4. Li kuyuk maak
Kʼaru truuq aatenqʼankil re naq inkʼaʼ taakʼe saʼ laachʼool xpaltil laasumʼaatin?
5. Aajel ru seeraqʼik
Oxibʼ li naʼlebʼ li naqatxjilosi rikʼinebʼ laakokʼal.
6. Li qʼusuk
Wi taaqʼus laawalal, ma tixkʼoxla naq maakʼaʼ naʼok wi?
7. Kʼut li chaabʼil naʼlebʼ
Kʼaru li chaabʼil naʼlebʼ naru taakʼut chiruhebʼ laakokʼal?
8. Kʼe jun chaabʼil eetalil
Ex naʼbʼej yuwaʼbʼej wi nekeʼraj naq leeralal eekʼajol teeʼabʼinq cheeru, tento naq teebʼaanu li nekeeye.
9. Anihat
Chanru teʼruuq ebʼ li saaj xkolbʼal rix li nekeʼxpaabʼ?
10. Paabʼajelaq laawaatin
Qʼaxal wank xwankil naq laanaʼ laayuwaʼ teʼxkʼojobʼ xchʼool aawikʼin naq yooqat chi kʼiik.
11. Kaw chatkʼanjelaq
Wi nakaatzol xtawbʼal xsahil laakʼanjel naq saajat, aʼin tatxtenqʼa re xtawbʼal chixjunil li nakaawaj.
12. Kʼoxla li taawaj xbʼaanunkil
Wi taataw li nakaawaj xbʼaanunkil chʼolchʼooq chaawu naq tatruuq xbʼaanunkil chixjunil, tkawuuq laaʼamiiwil ut sahaq saʼ laachʼool.
Xkomon li tenqʼ choʼq re li junkabʼal
Li naʼlebʼ li naxkʼe li Santil Hu naru nakatxtenqʼa re naq sahaq saʼ xchʼool laajunkabʼal.
