AJSI AAWU! Ajl 2, 2020 | Xsumenkil 5 li patzʼom chirix li rahilal
Yalaq joqʼe, chiqajunilo naqakʼul junaq li chʼaʼajkilal, maare chirix li yajel, li raxkamk, li kaqsut-iqʼ malaj li raaxiikʼ.
Ebʼ li qas qiitzʼin nekeʼxsikʼ xsumenkil ebʼ li xpatzʼom.
Wankebʼ nekeʼxpaabʼ naq ak xaqabʼanbʼil saʼ xbʼeenebʼ xkʼulbʼal li rahilal malaj nekeʼxkʼoxla naq moko naabʼal ta nekeʼruuk xbʼaanunkil re xkolbʼalebʼ ribʼ chiru.
Jalanebʼ chik nekeʼxpaabʼ li karma. Nekeʼxye naq naqakʼul li rahilal xbʼaan naq wank xqabʼaanu saʼ li yuʼam aʼin malaj saʼ li qanajter yuʼam.
Ebʼ li qas qiitzʼin li nekeʼxkʼul li rahilal chi rajlal nekeʼxkʼoxla rix wiibʼ oxibʼ li patzʼom li inkʼaʼ nekeʼxtaw xsumenkil.
Li nekeʼxpaabʼ wiibʼ oxibʼ
Juntaqʼeeta li nekeʼxkʼut chirix li rahilal wiibʼ oxibʼ li paabʼal.
1 Ma li Yos wank re, naq naqakʼul li rahilal?
Naabʼalebʼ xeʼbʼalaqʼiik xbʼaan li tikʼtiʼ li nekeʼxye chirix li Yos. Bʼar wank li yaal?
2 Ma laaʼo wank qe naq wanko saʼ rahilal?
Wi laaʼo raj wank qe naq wanko saʼ rahilal, tooruuq raj xkotzbʼal.
3 Kʼaʼut nekeʼxkʼul li rahilal li chaabʼilebʼ xnaʼlebʼ?
Li Santil Hu nokooxtenqʼa chi xtawbʼal ru li xsumenkil.
4 Ma kooxyobʼtesi li Yos re xkʼulbʼal li rahilal?
Ma wank xyaalal naq li Yos kixyiibʼ chi chʼinaʼus li Ruuchichʼochʼ ut kixbʼaanu naq tnumtaaq li rahilal saʼ qabʼeen? Joʼkan bʼiʼ, kʼaʼut naqakʼul li rahilal?
5 Ma tqakanabʼ xkʼulbʼal li rahilal saʼ jun kutan?
Li Santil Hu naxye qe chanru li Yos trisi li rahilal.
Bʼar taataw li tenqʼ
Usta chanchan tawiʼ naq inkʼaʼ tooruuq xtuqubʼankil ru li qachʼaʼajkilal, wank jun li tenqʼ bʼarwiʼ naru naqakʼojobʼ qachʼool.
