1 Ma li Yos wank re, naq naqakʼul li rahilal?
Kʼaʼut wank xwankil xnawbʼal li xsumenkil?
Naabʼalebʼ li qas qiitzʼin inkʼaʼ nekeʼraj xnawbʼal chirix li Yos xbʼaan naq nekeʼxkʼoxla naq aʼan wank re, naq naqakʼul li rahilal.
Kʼoxla aʼin
Usta nekeʼxye malaj inkʼaʼ nekeʼxye, naabʼalebʼ laj kʼamolbʼe saʼebʼ li paabʼal nekeʼxkʼut naq li Yos nakʼehok re li rahilal. Jun eetalil, wankebʼ nekeʼxye...
-
... naq rikʼin li kaqsut-iqʼ li Yos nokooxkʼe chi xtojbʼal qamaak.
-
... naq li Yos naraj xtzʼaqobʼ ebʼ li xʼánjel saʼ choxa joʼkan naq nekeʼkamk ebʼ li kokʼal.
-
... naq li Yos naʼokenk naq nawank li nimla yalok u.
Ut, wi ebʼ laj kʼamolbʼe saʼebʼ li paabʼal yookebʼ xkʼutbʼal li tikʼtiʼ chirix li Yos? Ut, wi li Yos inkʼaʼ naxkʼulubʼa li nekeʼxye?
RE XNAWBʼAL XKOMON
Sikʼ jw.org ut il li bʼideo Kʼaʼut us naq tattzoloq chirix li Santil Hu?
Li naxye li Santil Hu
Moko li Yos ta nakʼehok re li rahilal
Li xrahobʼtesinkilebʼ li qas qiitzʼin moko naxchap ta ribʼ rikʼin li xchaabʼil naʼlebʼ. Jun eetalil, li Santil Hu naxye chirix li Yos:
«Chixjunil li xkʼuubʼahom aʼan tiikilal. Aʼan jun Yos tiik xchʼool, li inkʼaʼ nabʼalaqʼik» (DEUTERONOMIO 32:4).
«Meekʼoxla naq li Nimajwal Yos naxbʼaanu li maaʼusilal ut li inkʼaʼ us» (JOB 34:10).
«Li Nimajwal inkʼaʼ naxbʼechʼ li tiikilal» (JOB 34:12, TNM).
Li Yos inkʼaʼ naxkʼulubʼa ebʼ li paabʼal li nekeʼxkʼut li tikʼtiʼ chirix
Jun eetalil, inkʼaʼ naxkʼulubʼa ebʼ li paabʼal li nekeʼxkʼut naq li Yos nokooxrahobʼtesi ut ebʼ li poyanam li nekeʼokenk chirix li yalok u ut li raaxiikʼ.
«Bʼalaqʼik yookebʼ li propeet aʼan saʼ inkʼabʼaʼ. Laaʼin inkʼaʼ xintaqlahebʼ aʼan, inkʼaʼ xinchaqʼrabʼihebʼ chi moko xinʼaatinak rikʼinebʼ. Tikʼtiʼ li nekeʼxye, bʼalaqʼil moy u, yal xkʼaʼuxebʼ winq» (JEREMÍAS 14:14).
Li Jesús kixye chi kutankil naq ebʼ li paabʼal ebʼ aj kaʼpakʼal u
«Moko chixjunil ta li nayehok we: “Qaawaʼ, Qaawaʼ”, taaʼok saʼ li xnimajwal wankilal li choxa, taaʼok bʼan li taabʼaanunq re li rajom linchoxahil Yuwaʼ. Naabʼalebʼ teʼyehoq we saʼ li kutan aʼan: “Qaawaʼ, Qaawaʼ, ma inkʼaʼ tabʼiʼ xooʼaatinak joʼ propeet saʼ aakʼabʼaʼ, ut xooʼisink maaʼus aj musiqʼej saʼ aakʼabʼaʼ, ut xqabʼaanu naabʼal sachbʼachʼoolej saʼ aakʼabʼaʼ?”. Tojaʼ naq tinye rehebʼ: “Maajun wa xinnaw eeru. Elenqex chiwu, ex aj bʼaanuhom maaʼusilal!”» (MATEO 7:21-23).
Maare twulaq ajwiʼ chaawu
EBʼ LI PATZʼOM CHIRIX LI SANTIL HU
Ma saʼ xmaak li Yos naq wank li rahilal?
Kʼaʼut li rahilal naxchʼaʼajki ebʼ li qas qiitzʼin joʼ ajwiʼ li nekeʼkʼanjelak chiru li Yos?
EBʼ LI PATZʼOM CHIRIX LI SANTIL HU
Kʼaʼut kiwank li rahobʼtesink ut li kamsink saʼ li xkabʼ nimla yalok u? Kʼaʼut li Yos inkʼaʼ kixkolebʼ?
Naabʼal nekeʼxpatzʼ, kʼaʼut naq li Yos li narahok naxkanabʼ naq tkʼulmanq ebʼ li rahilal?
LAJ KʼAAKʼALEHOM
Li rahilal: ma naxbʼaanu li Yos naq tqatoj rix?
Ma naroksi li Yos ebʼ li yajel ut ebʼ li rahilal re xrahobʼtesinkil ebʼ li kristiʼaan xbʼaan li maak li nekeʼxbʼaanu?
