Usta wankebʼ maare teʼxchʼina aachʼool, wank jun li maajunwa tixbʼaanu. Ani aʼan?

Li awabʼej David kixye: «Us ta linnaʼ linyuwaʼ tineʼxkanabʼ injunes, abʼan aʼ chik li Qaawaʼ taaʼiloq we» (Salmo 27:10).

Li Jehobʼa aʼan «li Yuwaʼbʼej aj uxtaan ut li Yos qʼaxal aj kʼojobʼanel chʼoolej. Aʼan nakʼojobʼank qachʼool saʼ chixjunil li qarahilal» (2 Corintios 1:3, 4).

«Qʼaxtesihomaq saʼ ruqʼ li Yos chixjunil li kʼaʼuxl wiʼ eechʼool, xbʼaan naq Aʼan naʼilok eere» (1 Pedro 5:7).

Taataw xkomon li naʼlebʼ chirix chanru li Yos naxkʼe xchʼool chaawix saʼ li tzolom 12 re li tasal hu Kʼaru tzʼaqal naxchʼolobʼ li Santil Hu?, kʼubʼanbʼil xbʼaanebʼ laj Testiiw re li Jehobʼa. Wank ajwiʼ saʼ Internet saʼ jw.org/kek.