«Chichalq ta laanimajwal awabʼejihom», li tij li nekeʼxye chi miyon li poyanam
Ma ak xaatzʼaama junsutaq saʼ laatij naq tchalq li Xnimajwal Awabʼejilal li Yos? Chiru naabʼal siʼeent chihabʼ chi miyon li poyanam nekeʼxpatzʼ aʼin. Kʼaʼut? Xbʼaan naq li Jesús kixye rehebʼ li xtzolom naq teʼxtzʼaama: «Chichalq ta laanimajwal awabʼejihom».
Saʼ xtiklajik, ebʼ li xtzolom li Jesús inkʼaʼ keʼxtaw ru li kixye chirix li Xʼawabʼejilal li Yos. Saʼ jun kutan keʼxpatzʼ re: «At Qaawaʼ, ma anaqwan xqʼehil naq taawaklesi wiʼ chik xwankil [li xʼawabʼejilal] li tenamit Israel?». Maare keʼsach xchʼool chi rabʼinkil naq li Jesús inkʼaʼ kixye joqʼe tchalq li Xʼawabʼejilal li Yos (Hechos 1:6, 7). Ma naraj xyeebʼal aʼin naq inkʼaʼ nokooruuk xnawbʼal kʼaru li Xnimajwal Awabʼejilal li Yos ut joqʼe tchalq? Inkʼaʼ bʼiʼan.
Saʼ li hu aʼin tqasume ebʼ li patzʼom:
Kʼaʼut naqaj naq tchalq li Xʼawabʼejilal li Yos?
Ani li Awabʼej re li Xʼawabʼejilal li Yos?
Joqʼe tixjolomi li Ruuchichʼochʼ li Xʼawabʼejilal li Yos?
Kʼaru tixbʼaanu li Xʼawabʼejilal li Yos chirixebʼ li poyanam?
Kʼaʼut tootzʼaqonq chirix li Xʼawabʼejilal li Yos?
Kʼaru li Xʼawabʼejilal li Yos?
Maare twulaq ajwiʼ chaawu
QʼAXAL LOQʼ LI NAXKʼUT LI SANTIL HU
Kʼaru tzʼaqal Xnimajwal Awabʼejilal li Yos?
Li Jesus kixkʼe xchʼool chi aatinak chirix li Xʼawabʼejilal li Yos chiru jalan chik li naʼlebʼ. Ebʼ li xtzolom nekeʼxtzʼaama naq tchalq li Xʼawabʼejilal li Yos.
