Li Yos narosobʼtesihebʼ li nekeʼxtenqʼa ebʼ li junchʼol
Naabʼalebʼ li poyanam maakʼaʼebʼ xtzekemq ut rochoch. Wank chik yaal nekeʼroybʼeni naq twanq rehebʼ aʼin. Chanru tooruuq xtenqʼankilebʼ li junchʼol re naq li Yos toorosobʼtesi?
LI NAXYE LI SANTIL HU
«Li naruxtaana ru li nebʼaʼ, chanchan ajwiʼ re li Yos yo chi xbʼaanunkil, ut li Qaawaʼ taakʼehoq reeqaj re» (PROVERBIOS 19:17).
KʼARU TOORUUQ XBʼAANUNKIL RE XTENQʼANKILEBʼ LI JUNCHʼOL?
Li Jesús kiʼaatinak chirix jun li winq li kirahobʼtesiik xbʼaanebʼ laj elqʼ ut hayeʼk keʼxkamsi (Lucas 10:29-37). Li winq aj Samaria kixaqliik ut kixtenqʼa usta jalan li xwanjik.
Li chaabʼil winq aʼin moko kaʼaj tawiʼ kixkʼam rikʼin laj bʼanonel ut kixtenqʼa rikʼin tumin. Kixkʼe bʼan xchʼool chirix toj reetal kikʼiraak.
Kʼaru naqatzol chirix li eetalil aʼin? Li Jesús kixkʼut chiqu naq tento tqabʼaanu chixjunil li wank saʼ quqʼ re xtenqʼankilebʼ li junchʼol (Proverbios 14:31). Li Santil Hu naxye naq chi seebʼ li Yos trisi li nebʼaʼil ut li rahilal. Chanru ut joqʼe tixbʼaanu? Saʼ li jun chik tzolom ttzʼilmanq rix ebʼ li osobʼtesihom li naxyeechiʼi aawe li Yos.
