Numenaq 3,500 chihabʼ anaqwan, li Jehobʼa kixye rehebʼ li kristiʼaan li nekeʼraj xloqʼoninkil ru kʼaru tento teʼxbʼaanu re naq us teʼelq saʼ li xyuʼam: «Xinyeechiʼi aawe yuʼam ut kamk, osobʼtesiik ut majewaak. Sikʼ ru li yuʼam re naq yoʼyooqat laaʼat joʼwiʼ ebʼ laawalal aakʼajol» (Deuteronomio 30:19).

Re naq chaabʼilaqebʼ xyuʼam tento naq us teʼnaʼlebʼaq. Laaʼo ajwiʼ tqasikʼ kʼaru tqabʼaanu saʼ li qayuʼam. Li Santil Hu naxye qe kʼaru tqabʼaanu: «Chara li Qaawaʼ laaYos, chawabʼi li xyaabʼ xkux» (Deuteronomio 30:20).

TZOL LI SANTIL HU. Re naq taara li Jehobʼa tento taanaw li naxye li Santil Hu chirix. Wi taabʼaanu aʼin, taakʼe reetal naq li Yos qʼaxal nakatxra ut naraj li us choʼq aawe. Naraj ajwiʼ naq tattijoq chiru xbʼaan naq aʼan naxkʼe xchʼool chaawix (1 Pedro 5:7). Li Santil Hu naxye naq wi nakaakʼe aachʼool chi xnawbʼal ru li Yos aʼan tjiloq chaakʼatq (Santiago 4:8).

YUʼAMI LI NAKAATZOL. Re naq tooʼabʼinq chiru li Yos tento naq tqayuʼami ebʼ li naʼlebʼ li wank saʼ li Santil Hu. Rikʼin xbʼaanunkil aʼin «tat-usaaq ut chaabʼil tat-elq saʼ chixjunil laakʼanjel» (Josué 1:8).