Bʼar tatruuq xtawbʼal li naʼlebʼ re naq us tat-elq saʼ laayuʼam?
Joʼ ak xqil rubʼelaj, naabʼalebʼ li kristiʼaan nekeʼxkʼoxla naq chaabʼilaq ebʼ li xyuʼam, wi nekeʼxkʼojobʼ xchʼool rikʼin li ak xaqabʼanbʼil naq tkʼulmanq saʼ li qayuʼam, li tzolok, li tumin malaj chaabʼilaqebʼ xnaʼlebʼ. Xbʼaanunkil aʼin chanchan roksinkil jun li hu li naxkʼut reetalil li tenamit li moko usta. Abʼanan, aʼin moko naraj ta xyeebʼal naq maakʼaʼ junaq li naʼlebʼ li truuq qatenqʼankil re naq chaabʼilaq li qayuʼam.
LI TENQʼ LI NACHALK RIKʼIN LI JWAL WANK XNAʼLEBʼ
Naq naqaj xbʼaanunkil junaq li naʼlebʼ, naqasikʼ qatenqʼankil rikʼin junaq li wank xnawom ut tiix chiqu. Joʼkan bʼiʼ, wi naqaj naq chaabʼilaq li qayuʼam tqakʼulubʼa li xtenqʼ li wank xnawom chiqu. Tooruuq xtawbʼal li tenqʼ aʼin saʼ li Santil Hu li kitzʼiibʼamank chaq numenaq 3,500 chihabʼ anaqwan.
Kʼaʼut tatruuq xpaabʼankil li wank saʼ li Santil Hu? Xbʼaan naq laj echal re wank li xchoxahil naʼlebʼ saʼ chixjunil li choxachʼochʼ. Aʼan «li Tiixil Wiinq» li wank «junqʼe junqʼe kutan!» (Daniel 7:9, Wy; Salmo 90:2). Aʼan «laj yoobʼtesihom re li choxa, Aʼan tzʼaqal Yos, li kikʼuubʼank ut kiyiibʼank re li ruuchichʼochʼ» (Isaías 45:18). Aʼan naxye qe naq li xkʼabʼaʼ aʼan: Jehobʼa (Salmo 83:18, TNM).
Saʼ xkʼabʼaʼ naq li Santil Hu chalenaq rikʼin laj Yobʼtesinel, inkʼaʼ naxye naq junaq li tenamit jwal chaabʼil chiru li jun chik. Ak naabʼal li kristiʼaan xeʼxkʼe reetal naq ebʼ li naʼlebʼ aʼin nekeʼkʼanjelak ut nekeʼtenqʼank. Li hu aʼin ak kijalmank saʼ naabʼal chi aatinobʼaal ut yook chi kijekʼimank saʼ chixjunil li Ruuchichʼochʼ. * Joʼkan naq yalaq ani naru xtawbʼal ru li wank chisaʼ ut roksinkil re xbʼeresinkil li xyuʼam. Joʼkan naq li Santil Hu naxye:
«Li Yos juntaqʼeet narilebʼ chixjunil ut sa naxkʼul chixjunilebʼ li nekeʼpaabʼank re ut nekeʼxbʼaanu li tiikilal, aʼ yaal kʼaʼ chi tenamitul yoʼlajenaqebʼ wiʼ» (HECHOS 10:34, 35).
Joʼ naq junaq li yuwaʼbʼej naxra ut naxtenqʼa ebʼ li xkokʼal, li Jehobʼa Yos jwal nokooxra ut nokooxtenqʼa rikʼin li Santil Hu (2 Timoteo 3:16). Paabʼajel li naxye li Raatin li Yos. Aʼan xooxyobʼtesi ut naxnaw li kʼaru us choʼq qe.
Kʼaru taabʼaanu re naq joʼkanaq laayuʼam? Taataw xsumenkil saʼ li jun chik tzolom.
^ párr. 6 Saʼ li tasal 5 re li hu Sahaq laachʼool chi junelik! taataw ebʼ li tzolom ut ebʼ li bʼideo li tixchʼolobʼ chanru najalmank ut najekʼimank li Santil Hu. Sik saʼ www.pr418.com ut pitzʼ bʼarwiʼ naxye EBʼ LI KʼANJELOBʼAAL > JALAN CHIK LI HU.
^ párr. 16 Re xtawbʼal xkomon li naʼlebʼ, il li tasal 3 re li hu Sahaq laachʼool chi junelik! li wank saʼ www.pr418.com. Sikʼ bʼarwiʼ naxye EBʼ LI KʼANJELOBʼAAL > JALAN CHIK LI HU.
Maare twulaq ajwiʼ chaawu
LAJ KʼAAKʼALEHOM
Li yaal chirix li kutan chalkebʼ re
Kawresi laachʼool chirix li naxye li Yos naq tixbʼaanu choʼq re li Ruuchichʼochʼ ut ebʼ li poyanam li teʼwanq chisaʼ.
