SAʼ JUN kutan, li Jesus kixye: «Qʼaxal nim li sahil chʼoolejil wank saʼ li kʼehok chiru li wank saʼ li kʼuluk» (Hech. 20:35). Li aatin aʼin li wank xwankil natzʼaqlok ru saʼ li qawanjik rikʼin li Jehobʼa. Kʼaʼut naqaye aʼin? Xbʼaan naq aʼan naxkʼe qe naabʼal li kʼaʼaq re ru li naxsahobʼresi qachʼool, abʼan numtajenaq wiʼ chik xsahil qachʼool wi laaʼo tqakʼe jun xmaatan li Yos. Kʼaru tooruuq xkʼebʼal re? Saʼ Proverbios 3:9 naxye: «Chakʼe xloqʼal li Qaawaʼ rikʼinebʼ laasahil eechej». Saʼ li sahil echej aʼin wank li qahoonal, li qakʼanjel, li qametzʼew ut li qajunkabʼlal. Naq naqoksi li kʼaru qe re xtenqʼankil li tzʼaqal loqʼonink, yooko xkʼebʼal jun xmaatan li Jehobʼa ut aʼin naxsahobʼresi qachʼool.

Kʼaru ttenqʼanq qe re naq inkʼaʼ tsachq saʼ qachʼool xkʼebʼal re li Jehobʼa li kʼaru qe? Li Apostol Pablo kixye rehebʼ laj Corinto naq teʼxxok bʼayaq li xtuminebʼ re naq teʼkubʼsinq (1 Cor. 16:2). Wi nakaawaj xnawbʼal xkomon li naʼlebʼ chirix chanru nakʼemank li tenqʼ tumin saʼ laateep, taawil li kaaxukuut li wank taqʼa.

Wankebʼ li tenamit inkʼaʼ nekeʼxkʼulubʼa li kʼehok saʼ Internet. Abʼanan, li naʼaj donate.pr418.com naxkʼe wiibʼ oxibʼ li naʼlebʼ chirix chanru tooruuq xkʼebʼal li tenqʼ tumin. Saʼ wiibʼ oxibʼ li tenamit, saʼ li naʼaj aʼin wank jun li hu li naxchaqʼbʼe ebʼ li patzʼom li nabʼaanumank chi rajlal chirix li tenqʼ tumin.