Ma xaakʼe aachʼool chi rilbʼal ebʼ li hu Laj Kʼaakʼalehom li tojeʼ xeʼelk? Kʼe reetal ma tatruuq xsumenkil ebʼ li patzʼom aʼin:

Kʼaru naxkʼut chiqu Salmo 103:8 naq naxye naq li Jehobʼa «aj uxtaan» ut «numtajenaq xrahom»?

Naqanaw naq li Jehobʼa naraj xkuybʼal qamaak xbʼaan naq naruxtaana qu. Saʼ Salmo 103:8 naxye naq naraj qatenqʼankil xbʼaan naq nokooxra. Us raj naq tqakʼam qe rikʼin (w21.01, perel 21).

Kʼaʼut naq li Jehobʼa kixxaqabʼ li jolomink?

Kixbʼaanu xbʼaan naq nokooxra. Saʼ xkʼabʼaʼ li naʼlebʼ aweʼ, li xjunkabʼal li Jehobʼa kʼubʼkʼu ru chiʼus ut wank saʼ tuqtuukilal. Saʼ li junkabʼal, li junjunq li naroxloqʼi li naʼlebʼ aʼin chʼolchʼo chiru ani tyehoq re li tbʼaanumanq ut ani tkʼamoq bʼe chi xbʼaanunkil (w21.02, perel 3).

Joʼ aj paabʼanel, kʼaʼut naq weent tqabʼaanu naq tqoksi ebʼ li kʼanjelobʼaal re taqlank esil?

Wi ani naraj roksinkil ebʼ li kʼanjelobʼaal aʼin, tento tixsikʼ chiʼus ani trochbʼeni. Aʼin chʼaʼaj xbʼaanunkil saʼ jun li chʼuut bʼarwiʼ naabʼalebʼ nekeʼtaqlank esil (1 Tim. 5:13). Naru ajwiʼ naq teʼoq xnumsinkil li esil li inkʼaʼ nanawmank ma yaal ut teʼroksi ebʼ li rechpaabʼanel re xtawbʼal xtuminebʼ (w21.03, perel 31).

Kʼaʼut naq li Jehobʼa kixkanabʼ naq trahobʼtesiiq ut tkamsiiq li Jesús?

Xbʼeen, naq kitʼuyubʼaak li Jesús chiru li cheʼ, kiruuk risinkil saʼ xbʼeenebʼ laj judiiy jun li maajewank (Gál. 3:10, 13). Xkabʼ, li Jehobʼa yook xkawresinkil li Jesús re naq truuq xbʼaanunkil chiʼus li xkʼanjel joʼ Xyuwaʼil aj Tij. Ut, rox, saʼ xkʼabʼaʼ naq li Jesús inkʼaʼ kixqʼet ribʼ chiru li Yos kixkʼutbʼesi naq ebʼ li kristiʼaan teʼruuq chi wank saʼ tiikilal chiru li Yos usta qʼaxal kaw tyaleʼq rixebʼ (Job 1:9-11) (w21.04, perel 16 ut 17).

Kʼaru tooruuq xbʼaanunkil wi nachʼaʼajkoʼk chiqu xtawbʼalebʼ li kristiʼaan saʼ rochochebʼ?

Tooruuq chi aatinak rikʼin naabʼalebʼ li kristiʼaan wi nokoopuktesink saʼ li hoonal bʼarwiʼ naru naqatawebʼ saʼ rochoch. Tooruuq ajwiʼ xjalbʼal li naʼajej re puktesink. Ut naru tqajal li naʼlebʼ li naqoksi re puktesink joʼ xtzʼiibʼankil li esilhu (w21.05, perel 15 ut 16).

Kʼaʼut kixye li apóstol Pablo li aatin aʼin: «Xbʼaan li Chaqʼrabʼ xinkamk chiru li Chaqʼrabʼ»? (Gál. 2:19).

Li Xchaqʼrabʼ laj Moisés kixkʼutbʼesi naq chiqajunilo aj maak ut kixtenqʼahebʼ laj Israel chi xnawbʼal naq li Kriist aʼan li Sikʼbʼil Ru (Gál. 3:19, 24). Aʼin kixbʼaanu naq laj Pablo tixkʼulubʼa li Jesús. Joʼkan naq kixye: «Xinkamk chiru li Chaqʼrabʼ»; aʼin maakʼaʼ chik xwankil saʼ xbʼeen (w21.06, perel 31).

Kʼaru li xnimal ru eetalil chirix li kuyuk kixkanabʼ qe li Jehobʼa?

Li Jehobʼa yook xkuybʼal naq nekeʼxtzʼajni li xkʼabʼaʼ, naq inkʼaʼ nekeʼxkʼulubʼa li Xʼawabʼejilal, naq xeʼxqʼet ribʼ wiibʼ oxibʼ rehebʼ li ralal xkʼajol, naq laj Tza rajlal natikʼtiʼik, naq nekeʼxkʼul li rahilal ebʼ laj kʼanjel chiru, naq nekeʼkamk ebʼ li ramiiw, naq li maaʼusebʼ xnaʼlebʼ nekeʼxrahobʼtesi li junchʼol ut naq najukʼmank li Ruuchichʼochʼ li kixyobʼtesi (w21.07, perel 9 toj 12).

Kʼaru naqatzol rikʼin laj José chirix li kuyuk?

Laj José kixkuy li maaʼusilal li kiʼuxk re xbʼaanebʼ li ras. Saʼ xkʼabʼaʼ aʼin, kiqʼabʼaak ut kiwank saʼ tzʼalam chiru naabʼal chihabʼ aran Egipto (w21.08, perel 12).

Kʼaru ebʼ li chiqʼchiqʼink kiyemank saʼ Ageo 2:6-9, 20-22?

Ebʼ li tenamit inkʼaʼ nekeʼxkʼulubʼa li chaabʼil esil chirix li Xʼawabʼejilal li Yos abʼan naabʼalebʼ nekeʼxkʼulubʼa li yaal. Chi seebʼ ebʼ li tenamit jun sut aj chik teʼchiqʼchiqʼiiq naq teʼsacheʼq (w21.09, perel 15 toj 19).

Kʼaʼut inkʼaʼ tqakanabʼ xbʼaanunkil li xkʼanjel li Yos?

Li Jehobʼa naxkʼe reetal naq naqayal qaqʼe chi kʼanjelak chiru ut nasahoʼk saʼ xchʼool chi rilbʼal. Wi inkʼaʼ naqakanabʼ xbʼaanunkil li xkʼanjel ut inkʼaʼ nachʼinaak qachʼool, tqataw li junelik yuʼam (w21.10, perel 25 ut 26).

Chanru nokooxtenqʼa Levítico 19 chi xpaabʼankil li naʼlebʼ aʼin: «Santaqex bʼan rikʼin chixjunil leeyehom leebʼaanuhom»? (1 Ped. 1:15).

Maare li raqal aʼin isinbʼil saʼ Levítico 19:2. Saʼ li tasal 19 naqataw naabʼal li eetalil chirix chanru xyuʼaminkil 1 Pedro 1:15 rajlal kutan (w21.12, perel 3 ut 4).