Yaabʼasi Jeremías 38:​1-13 re rilbʼal kʼaru taatzol chirix li kawil chʼoolej li xeʼxkʼutbʼesi laj Jeremías ut laj Ébed-Mélec.

Sikʼ xkomon li naʼlebʼ chirix li kikʼulmank. Chanru laj Jeremías kixkʼutbʼesi naq inkʼaʼ naxuwak naq xkʼe resil li kixye li Jehobʼa? (Jer. 27:​12-14; 28:​15-17; 37:​6-10). Chanru xeʼnaʼlebʼak li xeʼrabʼi li esil li kixye laj Jeremías? (Jer. 37:​15, 16).

Tzʼil rix junjunq li naʼlebʼ. Kʼaru chʼaʼajkilal kixkʼul laj Jeremías? (jr-S 26, 27 raqal 20-22). Tzol xkomon li naʼlebʼ chirix li xjulel li haʼ li keʼwank chaq najter qʼe kutan (it-1-S 489). Chanru kirekʼa ribʼ laj Jeremías naq xwank saʼ xjulel li haʼ ut kiʼok chi subʼeʼk saʼ sulul? Kʼaru tawiʼ kixxuwa laj Ébed-Mélec? (w12-S 1/5 31 raqal 2, 3).

Kʼoxla ebʼ li naʼlebʼ li nakaatzol. Kʼoxla aʼin:

• «Kʼaru nintzol saʼ li naʼlebʼ aʼin chirix chanru li Jehobʼa naxkolebʼ laj kʼanjel chiru?» (Sal. 97:10; Jer. 39:​15-18).

• «Joqʼe tento tinkʼutbʼesi naq maakʼaʼ ninxuwa?».

• «Kʼaru tinxtenqʼa re xbʼaanunkil li us ut re naq maakʼaʼ tinxuwa naq yookebʼ xminbʼal wu chi xbʼaanunkil jun li yibʼ aj naʼlebʼ?» (w11-S 1/3 30). a