Naabʼalebʼ li hermaan nekeʼroksi li kʼanjelobʼaal JW Library^® re xkawresinkil ribʼebʼ choʼq re li chʼutam, ut nawulak chiruhebʼ naq saʼ junpaat nekeʼxtaw li ttzolmanq saʼ li hu Laj Kʼaakʼalehom. Abʼan, wank sut li hu Laj Kʼaakʼalehom li kʼubʼanbʼil re tzolok naxkʼam ajwiʼ chaq li naxkawresi qapaabʼal. Chʼolchʼo naq nakaawaj xtawbʼal rusilal. Chanru taataw?

• Saʼ xraqik li junjunq li tzolom re li hu Laj Kʼaakʼalehom, natawmank «Xkomon chik li naʼlebʼ» ut taqʼa wank xjayalil «Li wank saʼ li hu aʼin». Wi taapitzʼ saʼ xbʼeen, taataw chixjunil li naʼlebʼ li nachalk saʼ li hu aʼan. Taataw ebʼ li naʼlebʼ re tzolok (li tustu chiʼus), joʼkan ajwiʼ taawil ebʼ li xkomon chik li naʼlebʼ. Sikʼ bʼar wank nakaawaj xyaabʼasinkil ut taapitzʼ saʼ xbʼeen.

• Naru taakubʼsi ajwiʼ li hu Laj Kʼaakʼalehom li kʼubʼanbʼil re tzolok, saʼ li naʼlebʼ «Li toj akʼ» li wank saʼ JW Library. Taate li tojeʼk xaakubʼsi ut taawil li junjunq chi naʼlebʼ re naq maajun taakol.