«Naq ra linchʼool li Jehobʼa nikinxkawresi rikʼinebʼ li bʼich re JW Broadcasting^®» (Li xLorraine, re Estados Unidos).

Ebʼ laj paabʼanel junelik nekeʼxbʼicha «ebʼ li bʼich re loqʼonink» re xkʼebʼal xloqʼal li Jehobʼa (Col. 3:16). Wi taaxok saʼ laakʼaʼuxl, tatxtenqʼa naq maakʼaʼaq aawikʼin junaq li bʼichlebʼaal malaj junaq kʼanjelobʼaal bʼarwiʼ wank li bʼich. Arin wank junjunq li naʼlebʼ li tatruuq xbʼaanunkil. Yal xbʼaanunkil.

• Kʼe aahoonal chi rilbʼal li naxye li tzʼiibʼ rehebʼ li bʼich ut taw ru. Naq natawmank ru junaq li naʼlebʼ inkʼaʼ chʼaʼaj xjultikankil. Saʼ jw.org natawmank ebʼ li tzʼiibʼ re chixjunil li qabʼich, joʼkan ajwiʼ ebʼ li bʼich re JW Broadcasting ut ebʼ li bʼich choʼq rehebʼ li kokʼal. Re xtawbʼal sikʼ bʼarwiʼ naxye «Ebʼ li kʼanjelobʼaal» ut moqon chik bʼarwiʼ naxye «Bʼich».

• Tzʼiibʼa chiru hu ebʼ li tzʼiibʼ. Aʼin tatxtenqʼa chi xxokbʼal ebʼ li bʼich saʼ laakʼaʼuxl (Deut. 17:18).

• Tzol saʼ kawil kuxej. Yaabʼasi ebʼ li tzʼiibʼ malaj bʼicha naabʼal sut.

• Yal rix laakʼaʼuxl. Yal xjultikankil li tzʼiibʼ chi inkʼaʼ taawil ut moqon kʼe reetal chanru xaabʼaanu.