1 | Li tij: Qʼaxtesihomaq «chixjunil li kʼaʼuxl wiʼ eechʼool»
LI SANTIL HU NAXYE: «Qʼaxtesihomaq saʼ ruqʼ li Yos chixjunil li kʼaʼuxl wiʼ eechʼool, xbʼaan naq Aʼan naʼilok eere» (1 PEDRO 5:7).
Kʼaru naraj xyeebʼal?
Li Jehobʼa naraj naq tqaye re yalaq kʼaru chi chʼaʼajkilal malaj li nakʼehok qakʼaʼuxl (Salmo 55:23). Wi wank xwankil chiqu jun li naʼlebʼ, wank ajwiʼ xwankil chiru li Jehobʼa xbʼaan naq aʼan naxkʼe xchʼool chirix chanru naqekʼa qibʼ. Li tijok aʼan li xbʼeen naʼlebʼ li tento xbʼaanunkil re naq tqataw wiʼ chik xtuqtuukilal li qakʼaʼuxl (Filipenses 4:6, 7).
Chanru nokooxtenqʼa?
Naq moko us ta wank li qakʼaʼuxl, maare naqekʼa qibʼ qajunes. Ak re aʼin, xbʼaan naq wank sut ebʼ li junchʼol inkʼaʼ nekeʼxtaw ru li yooko xnumsinkil (Proverbios 14:10). Abʼan, saʼ xkʼabʼaʼ naq li Yos naxtaw qu ut naxkʼe xchʼool chi qabʼinkil naru naqaye re chanru naqekʼa qibʼ. Li Jehobʼa naxkʼe xchʼool chiqix, yoʼon wank chi qatenqʼankil chirix li qarahilal ut naxnaw li yooko xnumsinkil, joʼkan naq naraj naq tootijoq chirix yalaq kʼaru chi chʼaʼajkilal li naxkʼe qakʼaʼuxl (2 Crónicas 6:29, 30).
Naq nokootijok chiru li Jehobʼa, qʼaxal chik naqakʼojobʼ qachʼool chirix naq aʼan tooxtenqʼa. Tooruuq ajwiʼ xyeebʼal li kixye jun li kitzʼiibʼank re li Santil Hu. Aʼan kixye re li Yos: «Laaʼat xawil naq qʼaxal xtoqʼobʼaal wu ut xanaw chixjunil li xrahil li waanm» (Salmo 31:8). Xnawbʼal naq li Jehobʼa naxkʼe xchʼool chirix li naqakʼul naru naxkʼe qametzʼew re xnumsinkil li chʼaʼajkilal. Abʼan moko kaʼaj tawiʼ naxkʼe reetal li rahilal li naqakʼul. Kaʼajwiʼ aʼan naxtaw ru chiʼus li yooko xnumsinkil ut nokooxtenqʼa re xtawbʼal xkʼojobʼankil qachʼool saʼ li Santil Hu.
Maare twulaq ajwiʼ chaawu
LAJ KʼAAKʼALEHOM
Chanru tattijoq re naq li Yos tatrabʼi?
Aatinan rikʼin li Yos yalaq joqʼe, yalaq bʼar, saʼ jas malaj saʼ kawil kuxej. Li Jesús kixkʼut kʼaru naru tqatzʼaama.
QʼAXAL LOQʼ LI NAXKʼUT LI SANTIL HU
Ma narabʼi li Yos chixjunilebʼ li tij?
Kʼaru tkʼulmanq wi jun li qas qiitzʼin kaʼajwiʼ chirix ttijoq? Ut wi jun li bʼeelomej xikʼ tril li rixaqil ut chirix chik aʼan ttijoq re naq t-osobʼtesiiq?
LI NEKEʼXPATZʼ EBʼ LI SAAJ
Kʼaʼut jwal wank xwankil li tijok?
Ma nakʼanjelak li tij kaʼajwiʼ re naq sa twekʼa wibʼ?
LAJ KʼAAKʼALEHOM
Ma narabʼi li qatij li Yos?
Li Santil Hu naxye naq li Yos nokoorabʼi naq nokootijok joʼ naraj aʼan.
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
