PATZʼOM 1
Ani tzʼaqal li Yos?
«Re naq teʼxnaw naq laakʼabʼaʼ aʼan Jehobʼa ut kaʼajwiʼ laaʼat Nim Laawankil saʼ xbʼeen chixjunil li Ruuchichʼochʼ.»
(Salmo 83:18, TNM)
«Laaʼin xinkʼutbʼesi wibʼ chiruhebʼ laj Abrahan, laj Isaac joʼ ajwiʼ laj Jacob chi joʼ li Nimajwal Yos. Abʼan inkʼaʼ xinkʼutbʼesi wibʼ chiruhebʼ joʼ li Yos li nakolok re, Jehobʼa inkʼabʼaʼ.»
(Exodo 6:3, Exodo en Kʼekchiʼ, ortografía actualizada)
«Laaʼin li Jehobʼa. Aʼin linkʼabʼaʼ; ut re maaʼani chik ninkʼe linloqʼal chi moko linwankil re junaq li pechʼbʼil yos.»
(Isaias 42:8, TNM)
«Chixjunilebʼ li teʼyaabʼanq re xkʼabʼaʼ li Jehobʼa teʼkoleʼq.»
(Romanos 10:13, TNM)
«Xbʼaan naq li junjunq chi kabʼl wank aj yiibʼahom re; aʼut laj kabʼlanel re li choxachʼochʼ aʼan li Yos.»
«Taqsihomaq leerilobʼaal saʼ choxa ut ilomaq: ani xkʼuubʼank re chixjunil aʼan? Aʼ li najekʼink rehebʼ li chahim chi tzol saʼ xnaʼaj ut naxbʼoqebʼ li junjunq rikʼin xkʼabʼaʼ. Qʼaxal nim xwankil ut kʼajoʼ li xkawilal, ut maajun rehebʼ naxmuq ribʼ chiru.»
(Isaias 40:26)
