PATZʼOM 11
Kʼaru naqakʼul naq nokookamk?
«Rikʼin xtiqobʼ laapeekem tatwaʼaq, toj reetal tatsutqʼiiq saʼ li chʼochʼ xat-elk wiʼ chaq. Xbʼaan naq pojtzʼ okenaqat chaq ut pojtzʼ tatsutqʼiiq wiʼ chik.»
(Genesis 3:19)
«Li yoʼyookebʼ nekeʼxnaw naq teʼkamq, aʼut li kamenaqebʼ maakʼaʼ nekeʼxnaw [...]. Joʼchʼinal joʼnimal tatruuq xbʼaanunkil, bʼaanu chi anchal aachʼool. Yookat chi xik saʼ xnaʼajebʼ li kamenaq, ut aran maakʼaʼ chik kʼanjelak ut kʼuubʼank, maaʼani chik nakʼoxlak chi moko nanaʼlebʼak.»
(Eclesiastes 9:5, 10)
«[Li Jesus] kixye wiʼ chik: —Laj Lázaro li qamiiw yo chi wark; abʼanan xik we chi rajsinkil. Li Jesus aʼ li xkamik kixye rehebʼ, aʼut ebʼ aʼan keʼxkʼoxla naq aʼ li hilank li naxkʼe li wark kixye. Tojaʼ naq li Jesus kiʼaatinak chi chʼolchʼo ru: —Laj Lázaro kamenaq chik.»
