TASAL 2
Ani li tzʼaqal Yos?
Jun ajwiʼ li tzʼaqal Yos ut li xkʼabʼaʼ aʼan Jehobʼa. Li Santil Hu naxye: «Re naq teʼxnaw naq laakʼabʼaʼ aʼan Jehobʼa ut kaʼajwiʼ laaʼat Nim Laawankil saʼ xbʼeen chixjunil li Ruuchichʼochʼ» (Salmo 83:18, TNM). Inkʼaʼ naqil ru li Yos xbʼaan naq musiqʼej. Li Yos nokooxra ut naraj naq tqara. Naraj ajwiʼ naq tqara li qas qiitzʼin (Mateo 22:35-40). Kaʼajwiʼ li Yos jwal nim xwankil ut Aʼan kiyoobʼtesink re chixjunil.
Li Jehobʼa kixyoobʼtesi xbʼeenwa jun li anjel nim xwankil ut Jesus kikʼabʼaʼiik. Li Yos kixyoobʼtesi ajwiʼ naabʼal li anjel.
Li Jehobʼa kiyoobʼtesink re chixjunil li wank saʼ choxa... ut li wank saʼ Ruuchichʼochʼ (Apocalipsis 4:11)
Li Jehobʼa kixyiibʼ li chahim, li Ruuchichʼochʼ ut chixjunil li wank chisaʼ (Génesis 1:1).
Kixyoobʼtesi laj Adan, li xbʼeen winq, rikʼin xpoqsil li chʼochʼ (Génesis 2:7).
Maare twulaq ajwiʼ chaawu
QʼAXAL LOQʼ LI NAXKʼUT LI SANTIL HU
Ma wank xkʼabʼaʼ li Yos?
Li Yos wank naabʼal ruuchil xkʼabʼaʼ joʼ Nimajwal, Yobʼtesinel ut Qaawaʼ. Abʼan li xkʼabʼaʼ li Yos natawmank numenaq 7.000 sut saʼ li Santil Hu.
LI SANTIL HU UT LI NAʼLEBʼ LI WANK CHISAʼ
Li Yos Kixkʼe li Chʼinaʼusil Naʼajej Rehebʼ li Poyanam
Chanru naxchʼolobʼ li Santil Hu naq xyobʼtesiik li winq? Kʼaru li chaqʼrabʼ kixkʼe li Yos re li xbʼeen winq ut ixq?
