TASAL 3
Chanru xyuʼamebʼ li keʼwank chaq saʼ li Eden?
Li Jehobʼa junelik kirosobʼtesi laj Adan ut xʼEva (Génesis 1:28)
Naq li Jehobʼa kixyoobʼtesi li xʼEva, li xbʼeen ixq, kixkʼe choʼq rixaqil laj Adan (Génesis 2:21, 22).
Chaabʼil li xkʼaʼuxebʼ ut li xtibʼelebʼ xbʼaan naq maawaʼebʼ aj maak.
Kʼajoʼ xchʼinaʼusal li Naʼajej Eden bʼarwiʼ keʼkʼeheʼk laj Adan ut xʼEva! Saʼ li naʼaj aʼin kiwank jun li nimaʼ, kiʼil qʼeen ut xul.
Li Jehobʼa naʼaatinak chaq rikʼin laj Adan ut xʼEva. Wi inkʼaʼ raj keʼxqʼet ribʼ chiru li Yos, keʼwank raj xyuʼam chi junelik saʼ Ruuchichʼochʼ.
Li Yos kixye rehebʼ naq inkʼaʼ teʼxlow li ru jun li cheʼ (Génesis 2:16, 17)
Li Jehobʼa kixkʼut jun li cheʼ chiru laj Adan ut xʼEva. Kixye rehebʼ naq inkʼaʼ teʼxlow li ru re naq inkʼaʼ teʼkamq.
Jun rehebʼ li anjel kixqʼet ribʼ chiru li Yos. Li maaʼus aj musiqʼej aʼin aʼan laj Tza.
Laj Tza inkʼaʼ kiraj naq laj Adan ut xʼEva teʼxpaabʼ re li Jehobʼa. Joʼkan naq kiroksi jun li kʼantiʼ re xyeebʼal re li xʼEva naq inkʼaʼ tkamq wi tixlow ru li cheʼ ut tixtaw xwankil li Yos. Abʼan aʼin tikʼtiʼ (Génesis 3:1-5).
Maare twulaq ajwiʼ chaawu
QʼAXAL LOQʼ LI NAXKʼUT LI SANTIL HU
Kʼaʼut kixyiibʼ li Yos li Ruuchichʼochʼ?
Chʼinaʼus yiibʼanbʼil li Ruuchichʼochʼ. Li Yos kixsikʼ li naʼaj bʼarwiʼ tixkʼojobʼ chiru li Saqʼe ut kixkʼubʼ chiʼus re naq tixsurisi ribʼ. Kʼaʼut li Yos kixkʼe xchʼool chirix?
LI SANTIL HU UT LI NAʼLEBʼ LI WANK CHISAʼ
Li Yos Kixkʼe li Chʼinaʼusil Naʼajej Rehebʼ li Poyanam
Chanru naxchʼolobʼ li Santil Hu naq xyobʼtesiik li winq? Kʼaru li chaqʼrabʼ kixkʼe li Yos re li xbʼeen winq ut ixq?
