TASAL 12
Kʼaru taabʼaanu re naq laajunkabʼal sahaq saʼ xchʼool?
Wi nekeera eeribʼ saʼ leejunkabʼal, chixjunilebʼ sahaqebʼ saʼ xchʼool (Efesios 5:33)
Li Yos kixtenebʼ naq jun ajwiʼ rixaqil twanq li winq ut li ixq jun ajwiʼ xbʼeelom.
Li chaabʼil winq naxra li rixaqil ut naraatina saʼ tuulanil.
Li ixaqilbʼej tento tixtenqʼa li xbʼeelom.
Ebʼ li kokʼal tento teʼxpaabʼ li xnaʼ xyuwaʼ.
Junelik chaabʼilaq laanaʼlebʼ ut maajunwa taamux laajunkabʼal (Colosenses 3:5, 8-10)
Li Santil Hu naxye naq li winq tento tixra li rixaqil joʼ naxra ribʼ ut li ixq tento troxloqʼi li xbʼeelom.
Nimla maak li koʼbʼeetak yumbʼeetak. Ebʼ li sumsuukebʼ tento naq teʼxtzʼeqtaana li muxuk sumlaak.
Li Yos naxye re li junkabʼal kʼaru teʼxbʼaanu re naq sahaqebʼ saʼ xchʼool.
Maare twulaq ajwiʼ chaawu
JALAN CHIK LI HU
Kʼaru naʼajmank re naq sahaqebʼ saʼ xchʼool ebʼ li junkabʼal?
Wankebʼ nekeʼxye naq li tumin tixkʼam chaq li sahil chʼoolejil saʼ li junkabʼal, ma yaal tawiʼ aʼin?
