Li Santil Hu naxye naq naabʼalebʼ li yoʼyokebʼ saʼ musiqʼej. Li Jehobʼa aʼan jun musiqʼej (Juan 4:24; 2 Corintios 3:17, 18).

Chiru jun qʼehil, li Jehobʼa kiwank xjunes saʼ choxa. Chirix chik aʼin, kiʼok xyobʼtesinkil ebʼ li musiqʼej, li kixkʼabʼaʼi ánjel. Ebʼ aʼan jwal kaw ribʼebʼ ut seebʼebʼ xchʼool chiruhebʼ li poyanam. Li Jehobʼa kixyobʼtesi naabʼal ebʼ li ánjel. Laj Daniel, jun laj kʼanjel chiru li Yos kiril chi miyon ebʼ li ánjel saʼ jun li moy u (Daniel 7:10; Hebreos 1:7).

Li Yos kixyobʼtesi ebʼ li ánjel naq toj maajiʼ naxyiibʼ li Ruuchichʼochʼ (Job 38:4-7). Maajun rehebʼ aʼin kiwank ut kikamk saʼ Ruuchichʼochʼ.