Kʼaru naʼajmank re naq sahaqebʼ saʼ xchʼool ebʼ li junkabʼal?
Ma taaye raj naq . . .
-
... li rahok?
-
... li tumin?
-
... junaq chik li naʼlebʼ?
LI SANTIL HU NAXYE
«Us [...] xaq rehebʼ li nekeʼabʼink re li raatin li Yos ut nekeʼxkʼuula!» (Lucas 11:28, Li Santil Hu, Sociedad Bíblica de Guatemala.)
CHANRU TOOXTENQʼA XNAWBʼAL AʼIN
Tqataw li tzʼaqal rahok (Efesios 5:28, 29).
Tqataw li oxloqʼink (Efesios 5:33).
Tqataw li tzʼaqal wank (Marcos 10:6-9).
MA WANK XYAALAL NAQ TQAPAABʼ LI SANTIL HU?
Heeheʼ, wank wiibʼ xyaalal:
-
Li Yos kixaqabʼank re li junkabʼal. Li Santil Hu naxye naq saʼ xkʼabʼaʼ li Jehobʼa wank li junkabʼal (Efesios 3:14, 15). Aʼin naraj xyeebʼal naq li Jehobʼa kixaqabʼank re li junkabʼal. Kʼaʼut aajel ru xnawbʼal aʼin?
Kʼoxla aʼin: wi kʼajoʼ raj xsahil li tzakahemq li yookat xwaʼbʼal ut taawaj raj xnawbʼal kʼaru li bʼanol xeʼxkʼe chisaʼ, re ani raj taapatzʼ? Taapatzʼ re laj kʼuubʼanel xbʼaan naq aʼan kikʼuubʼank re.
Joʼkan ajwiʼ nakʼulmank wi naqaj xnawbʼal kʼaru tento xbʼaanunkil re naq sahaqebʼ saʼ xchʼool ebʼ li junkabʼal. Tento tqapatzʼ re li Jehobʼa xbʼaan naq aʼan kixaqabʼank re li junkabʼal (Genesis 2:18-24).
-
Li Yos nokooxkʼoxla. Us choʼq aawe ut choʼq re laajunkabʼal naq teesikʼ eenaʼlebʼ saʼ li Santil Hu xbʼaan naq li Yos «naʼilok eere» (1 Pedro 5:6, 7). Li Jehobʼa naraj li us choʼq qe. Li xnaʼlebʼ li Jehobʼa junelik nakʼanjelak chiqu (Proverbios 3:5, 6; Isaias 48:17, 18).
KʼOXLA LI PATZʼOM AʼIN
Chanru tinruuq xbʼaanunkil chiʼus linkʼanjel joʼ bʼeelomej, joʼ ixaqilbʼej ut joʼ yuwaʼbʼej?
Li Santil Hu naxsume li patzʼom aʼin saʼ EFESIOS 5:1, 2 ut saʼ COLOSENSES 3:18-21.
Maare twulaq ajwiʼ chaawu
AJSI AAWU!
Ebʼ li chaabʼil naʼlebʼ re naq sahaq saʼ xchʼool laajunkabʼal
Kʼaru teʼruuq xbʼaanunkil li bʼeelomej, li ixaqilbʼej, li naʼbʼej yuwaʼbʼej ut li alal kʼajolbʼej re naq sahaq saʼ xchʼool li junkabʼal?
EBʼ LI PATZʼOM CHIRIX LI SANTIL HU
Ma naru tinxtenqʼa li Santil Hu re naq sahaq saʼ xchʼool linjunkabʼal?
Li chaabʼil naʼlebʼ li naxkʼe li Santil Hu ak xtenqʼa chi miyon li junkabʼal re naq sahaqebʼ saʼ xchʼool.
AJSI AAWU!
Ebʼ li junkabʼal sahebʼ xchʼool: Kʼanjelak saʼ junajil
Ma nakaawil laasumʼaatin yal jun naʼochbʼenink aawe saʼ li ochoch?
CHIQIX
Kʼaʼut us naq tattzoloq chirix li Santil Hu? (chixjunil)
Chi miyon ebʼ li qas qiitzʼin re chixjunil li Ruchichʼochʼ xeʼxtaw saʼ li Santil Hu xsumenkil ebʼ li xninqal ru patzʼom. Naqaj naq taatzol li chaabʼil tasal hu aʼin.
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
