Ma teʼwanq wiʼ chik xyuʼam ebʼ li kamenaq?
Ma taaye raj naq . . .
-
... twanq?
-
... inkʼaʼ twanq?
-
... maare twanq?
LI SANTIL HU NAXYE
«Teʼwakliiq wiʼ chik chi yoʼyo.» (Hechos 24:15, Li Santil Hu, Sociedad Bíblica de Guatemala.)
CHANRU TOOXTENQʼA XNAWBʼAL AʼIN
Tixkʼojobʼ qachʼool naq tkamq junaq li qech alal (2 Corintios 1:3, 4).
Inkʼaʼ chik tqaxuwa li kamk (Hebreos 2:15).
Chʼolchʼooq chiqu naq teʼwakliiq wiʼ chik chi yoʼyo ebʼ li qech alal (Juan 5:28, 29).
MA WANK XYAALAL NAQ TQAPAABʼ LI SANTIL HU?
Heeheʼ, wank oxibʼ xyaalal:
-
Li Yos kikʼehok chaq re li yuʼam. Li Santil Hu naxye naq li Jehobʼa «xyoʼlebʼaal li yuʼam» (Salmo 36:10 [36:9, Traducción del Nuevo Mundo]; Hechos 17:24, 25). Wi kiruuk xkʼeebʼal chaq li xyuʼamebʼ li xyoobʼtesihom, truuq ajwiʼ xqʼaxtesinkil wiʼ chik xyuʼam li ak keʼkamk.
-
Najter li Yos ak kixwaklesi chi yoʼyo ebʼ li kamenaq. Li Santil Hu naʼaatinak chirix waqxaqibʼ li kamenaq li keʼwaklesiik wiʼ chik chi yoʼyo xbʼaan li Yos arin saʼ Ruuchichʼochʼ. Saʼ xyanqebʼ li kamenaq aʼin kiwank saaj, cheek, ixq ut winq. Wankebʼ tojaʼ teʼkamq ut kiwank jun ak kaahibʼ kutan xkamik! (Juan 11:39-44.)
-
Li Yos naraj chi anchal xchʼool xqʼaxtesinkil xyuʼam ebʼ li kamenaq. Li Jehobʼa xikʼ naril li kamk xbʼaan naq ra naxbʼaanu. Li Jehobʼa tixjukʼ xwankil li kamk rikʼin li wakliik wiʼ chik chi yoʼyo (1 Corintios 15:26). Li wanqebʼ saʼ li xchʼool tixkʼehebʼ wiʼ chik xyuʼam re naq teʼwanq arin saʼ Ruuchichʼochʼ (Job 14:14, 15).
KʼOXLA LI PATZʼOM AʼIN
Kʼaʼut nokootixk ut nokookamk?
Li Santil Hu naxsume li patzʼom aʼin saʼ GENESIS 3:17-19 ut saʼ ROMANOS 5:12.
Maare twulaq ajwiʼ chaawu
QʼAXAL LOQʼ LI NAXKʼUT LI SANTIL HU
Kʼaru tzʼaqal naqakʼul naq nokookamk?
Li Santil Hu naxyeechiʼi naq twulaq xqʼehil naq chixjunilebʼ li kamenaq teʼwakliiq chi yoʼyo, joʼ kikʼulmank rikʼin laj Lazaro.
EBʼ LI PATZʼOM CHIRIX LI SANTIL HU
Kʼaru naraj xyeebʼal wakliik wiʼ chik chi yoʼyo?
Maare taasachq aachʼool chi xnawbʼal ani teʼwakliiq wiʼ chik chi yoʼyo.
CHIQIX
Kʼaʼut us naq tattzoloq chirix li Santil Hu? (chixjunil)
Chi miyon ebʼ li qas qiitzʼin re chixjunil li Ruchichʼochʼ xeʼxtaw saʼ li Santil Hu xsumenkil ebʼ li xninqal ru patzʼom. Naqaj naq taatzol li chaabʼil tasal hu aʼin.
LI NAXKʼUT LI SANTIL HU
Kʼe reetal chanru naqatzolebʼ
Kʼulubʼa naq tateʼxtzol chirix li Santil Hu. Li tzolok aʼin sibʼil ut nabʼaanumank chi seeraqʼinbʼil.
