Kamk; rahil chʼoolej
Kʼaru li eetalil li wank saʼ li Santil Hu li naxkʼutbʼesi naq moko maak ta naq rahaq laachʼool xbʼaan naq xkamk laakomon malaj laawamiiw?
Gé 23:2; 24:67; 37:34, 35; 42:36; Jn 11:19, 31, 33-36
Taawil ajwiʼ 2Sa 1:17-27; Hch 9:36-39.
Chanru naqanaw naq li Jehobʼa naraj xkʼojobʼankilebʼ xchʼool li rahebʼ saʼ xchʼool xbʼaan naq xkamk jun rehebʼ li xkomon malaj ramiiw?
Sl 34:19; Is 57:15; 61:1, 2
Kʼaʼut naxkʼojobʼ qachʼool xnawbʼal li yaal chirix li kamk?
Ec 9:5, 10; 1Te 4:13
-
Ebʼ li eetalil li naxchap ribʼ rikʼin li naʼlebʼ aʼin:
-
Lu 20:37, 38. Li Jesús kixchʼolobʼ naq chʼolchʼo naq twanq li wakliik chi yoʼyo xbʼaan naq choʼq re li Jehobʼa chanchan tawiʼ yoʼyokebʼ li kamenaq.
-
Jn 11:5, 6, 11-14. Naq kikamk laj Lázaro li ramiiw, li Jesús kixkʼut naq li kamk chanchan li wark.
-
Heb 2:14, 15. Li apóstol Pablo kixchʼolobʼ naq inkʼaʼ tooxuwaq xbʼaan li kamk.
-
Kʼaʼut naxye li Santil Hu naq qʼaxal us xkutankil li kamk chiru xkutankil li yoʼlaak?
Pr 22:1; Ec 7:1, 2
Kʼaru naxye li Santil Hu chirix li kamk? Ut kʼaru tixbʼaanu li Yos rikʼin li kamk?
Is 25:8; 1Co 15:26; Ap 20:14; 21:3, 4
Kʼaʼut chʼolchʼo chiqu naq ebʼ li kamenaq teʼwakliiq chi yoʼyo?
Is 26:19; Jn 5:28, 29; Hch 24:15
-
Ebʼ li eetalil li naxchap ribʼ rikʼin li naʼlebʼ aʼin:
-
Li Santil Hu naʼaatinak chirix bʼeleebʼ li qas qiitzʼin li xeʼwakliik chi yoʼyo ut waqxaqibʼ rehebʼ aʼin xeʼwank wiʼ chik saʼ Ruuchichʼochʼ. Chixjunil li eetalil aʼin naru naxkʼojobʼebʼ xchʼool ut naxkʼe roybʼenihom li rahebʼ saʼ xchʼool xbʼaan naq xeʼkamk xkomon malaj ramiiw.
-
1Re 17:17-24. Li propeet Elías kixwaklesi chi yoʼyo li xyum jun li malkaʼan li wank chaq Sarepta, li naʼaj aʼin wank saʼ xweent Sidón.
-
2Re 4:32-37. Saʼ li tenamit Sunem, li propeet Eliseo kixwaklesi chi yoʼyo jun li chʼinaʼal ut kixqʼaxtesi re li xnaʼ xyuwaʼ.
-
2Re 13:20, 21. Naq li xtibʼel li winq li tojeʼ xkamk kinaq chiru li xbʼaqel laj Eliseo, li winq kiwakliik chi yoʼyo.
-
Lu 7:11-15. Saʼ li tenamit Naín, li Jesús kixwaklesi chi yoʼyo li xyum jun li malkaʼan naq yookebʼ chi xik chi xmuqbʼal.
-
Lu 8:41, 42, 49-56. Li Jesús kixwaklesi chi yoʼyo li xrabʼin laj Jairo li najolomink re li naʼaj bʼarwiʼ nekeʼloqʼonink ebʼ laj judiiy.
-
Jn 11:38-44. Li Jesús kixwaklesi chi yoʼyo laj Lázaro li ramiiw li qʼaxal naxra. Ut kixqʼaxtesi laj Lázaro re li xMarta ut li xMaría aʼebʼ li ranabʼ.
-
Hch 9:36-42. Li apóstol Pedro kixwaklesi chi yoʼyo li xDorcas laj paabʼanel li qʼaxal raaro chaq ut nawbʼil ru xbʼaan xchaabʼilal ru xnaʼlebʼ.
-
Hch 20:7-12. Li apóstol Pablo kixwaklesi chi yoʼyo jun li saaj al Eutico xkʼabʼaʼ. Li saaj kikamk xbʼaan naq kiʼelk chaq saʼ jun li bʼentaan li najt xteram.
-
-
Li Jehobʼa kixwaklesi chi yoʼyo li Jesukriist joʼ musiqʼej li maajunwa chik tkamq ut aʼin reetalil naq chixjunil li naxyeechiʼi qe li Yos ttzʼaqloq ru.
-
Li xbʼeen winq li kiwaklesiik chi yoʼyo saʼ choxa ut maajunwa chik tkamq aʼan li Jesús, abʼan moko kaʼaj tawiʼ aʼan tixkʼul li maatan aʼin; ebʼ li 144,000 aj paabʼanel li yulbʼilebʼ ru rikʼin santil musiqʼej teʼwaklesiiq ajwiʼ chi yoʼyo chi joʼkaʼin.
-
Chanru tooruuq xtenqʼankilebʼ li qʼaxal rahebʼ saʼ xchʼool xbʼaan naq xkamk li xkomon malaj ramiiw?
Maare twulaq ajwiʼ chaawu
AJSI AAWU!
Li tenqʼ choʼq rehebʼ li rahebʼ saʼ xchʼool
Li Santil Hu naxtenqʼa li rahebʼ saʼ xchʼool.
JUNCHʼOL CHIK EBʼ LI NAʼLEBʼ
Naq nakamk junaq laakomon
Taw wiibʼ oxibʼ li naʼlebʼ li tatruuq xbʼaanunkil re xqʼaxbʼal ru li rahil chʼoolej.
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
