Kʼanjel
Chanru naxchap ribʼ li sahil chʼoolejil rikʼin li kʼanjelak?
Ec 2:24; 3:13, 22; Is 65:22
Kʼaru tooruuq xtawbʼal wi naqatzol xbʼaanunkil chiʼus li qakʼanjel?
Pr 22:29
-
Ebʼ li eetalil li naxchap ribʼ rikʼin li naʼlebʼ aʼin:
-
1Sa 16:16-23. Yalaq bʼar kinawmank naq laj David li saaj al naxnaw wajbʼak chiʼus, ut saʼ xkʼabʼaʼ aʼin, kituqlaak xkʼaʼuxl li awabʼej re Israel.
-
2Cr 2:13, 14. Laj Hiram-Abí naxnaw chaq kʼanjelak chiʼus, ut saʼ xkʼabʼaʼ aʼin, li awabʼej Salomón kixkʼe chi tzʼaqonk saʼ jun li kʼanjel chirix li kabʼlak li qʼaxal wank xwankil.
-
Joʼ xmoos li Jehobʼa, chanru naʼoybʼenimank naq tnaweʼq qu saʼ li qakʼanjel?
-
Ebʼ li eetalil li naxchap ribʼ rikʼin li naʼlebʼ aʼin:
-
Gé 24:10-21. Li xRebeca kixkʼe xtzʼaqobʼ li kʼanjel li kiyeeheʼk re xbʼaan li xmoos laj Abrahán, ut chi joʼkan kixkʼutbʼesi naq naxnaw kʼanjelak ut nawulak chiru tenqʼank.
-
Flp 2:19-23. Li apóstol Pablo kixkʼe re laj Timoteo jun li kʼanjel li qʼaxal wank xwankil xbʼaan naq naxnaw kʼanjelak ut naxyuʼami li kubʼsink ibʼ. Usta saaj chaq, kikʼemank re li kʼanjel aʼin.
-
Kʼaʼut ebʼ li xmoos li Yos inkʼaʼ teʼxqʼema ribʼ?
Pr 13:4; 18:9; 21:25, 26; Ec 10:18
-
Ebʼ li eetalil li naxchap ribʼ rikʼin li naʼlebʼ aʼin:
-
Pr 6:6-11. Li awabʼej Salomón kiroksi li eetalil chirixebʼ li sank re xkʼutbʼal naq inkʼaʼ tqaqʼema qibʼ, tento bʼan tookʼanjelaq.
-
Kʼaʼut naʼoybʼenimank naq tookʼanjelaq re xtawbʼal li naʼajmank chiqu?
Kʼaʼut tento tqakʼe qaqʼe re xwenteninkil li qajunkabʼal?
-
Ebʼ li eetalil li naxchap ribʼ rikʼin li naʼlebʼ aʼin:
-
Rut 1:16, 17; 2:2, 3, 6, 7, 17, 18. Li xRut jun li saajil malkaʼan kaw kikʼanjelak re xwenteninkil li xNoemi xnaʼ li xbʼeelom.
-
Mt 15:4-9. Li Jesús kixye naq ra tchalq saʼ xbʼeenebʼ li qas qiitzʼin li nekeʼroksi li xkʼanjel li Yos yal re naq inkʼaʼ teʼxwenteni li xnaʼ xyuwaʼ.
-
Kʼaru raj us tqabʼaanu rikʼin li qatojbʼal li naqakʼul chirix li kʼanjel li naqabʼaanu chi kaw?
Ma qʼaxal tqakʼe xwankil li qatojbʼal li naqakʼul chirix li kʼanjel li naqabʼaanu re xwenteninkil qibʼ?
Pr 30:8; 2Te 3:12; 1Ti 6:6-10; Heb 13:5
Chanru naqanaw naq li Jehobʼa naraj naq chaabʼil tookʼanjelaq ut aʼan tooxtenqʼa chi xtawbʼal li naʼajmank chiqu?
Mt 6:25, 30-32; Lu 11:2, 3; 2Co 9:10
-
Ebʼ li eetalil li naxchap ribʼ rikʼin li naʼlebʼ aʼin:
-
Gé 31:3-13. Laj Labán moko us ta kinaʼlebʼak rikʼin laj Jacob li xhiʼ. Laj Jacob kikʼanjelak chaq rikʼin laj Labán. Abʼan li Jehobʼa kiril li xkawil kʼanjel ut kirosobʼtesi.
-
Gé 39:1-6, 20-23. Li Jehobʼa kirosobʼtesi li xkʼanjel laj José naq wank chaq choʼq xmoos laj Potifar joʼ ajwiʼ naq wank chaq saʼ tzʼalam.
-
Kʼaʼut li kʼanjel re xwenteninkil qibʼ moko aʼan ta raj qʼaxal tqakʼe xwankil chiru li kʼanjel li naqabʼaanu chiru li Yos?
-
Ebʼ li eetalil li naxchap ribʼ rikʼin li naʼlebʼ aʼin:
-
Lu 12:15-21. Li Jesús kiroksi jun li eetalil re xkʼutbʼesinkil naq maakʼaʼ xyaalal naq qʼaxal tqakʼe chiʼubʼej li xbʼihomal li ruuchichʼochʼ chiru li xbʼihomal li Yos.
-
1Ti 6:17-19. Li apóstol Pablo kixye rehebʼ laj paabʼanel li wankebʼ xbʼihomal naq inkʼaʼ teʼnumtaaq saʼ xbʼeenebʼ li junchʼol xbʼaan naq tchalq chʼaʼajkilal saʼ xbʼeenebʼ ut kixye ajwiʼ rehebʼ naq teʼkʼehoq chi yoʼon.
-
Bʼar wank li xraqal li Santil Hu naru nokooxtenqʼa chi xnawbʼal kʼaru li kʼanjel tqakʼulubʼa?
-
Éx 20:4; Hch 15:29; Ef 4:28; Ap 21:8. Li kʼanjel li tinkʼulubʼa, ma tinxkʼe chi xqʼetbʼal li Xchaqʼrabʼ li Yos?
-
Éx 21:22-24; Is 2:4; 1Co 6:9, 10; 2Co 7:1. Li kʼanjel li tinkʼulubʼa, ma tixbʼaanu naq tinkʼut malaj tintzʼaqonq saʼ junaq li naʼlebʼ li inkʼaʼ naxkʼulubʼa li Yos ut tinxkʼe chi okenk saʼ junaq li naʼlebʼ li moko us ta?
-
Ro 13:1-7; Tit 3:1, 2. Li kʼanjel li tinkʼulubʼa, ma tinxkʼe chi xqʼetbʼal jun rehebʼ li xchaqʼrabʼ li awabʼejilal?
-
2Co 6:14-16; Ap 18:2, 4. Li kʼanjel li tinkʼulubʼa, ma tinxkʼe chi tzʼaqonk saʼebʼ li bʼalaqʼil paabʼal?
Kʼanjelak choʼq re li Jehobʼa
Bʼar wank li kʼanjel li qʼaxal wank xwankil choʼq qe joʼ aj paabʼanel?
Kʼaʼut qʼaxal naqaj xkʼebʼal re li Jehobʼa chixjunil li wank saʼ quqʼ?
Lu 13:24; Ro 12:11; 1Co 15:58; Heb 6:10-12
Taawil ajwiʼ 1Ti 3:1.
Chanru naqanaw naq li Jehobʼa inkʼaʼ naroybʼeni naq chiqajunilo juntaqʼeet xkʼihalil li kʼanjel li tqabʼaanu chiru?
-
Ebʼ li eetalil li naxchap ribʼ rikʼin li naʼlebʼ aʼin:
-
Mt 25:14, 15. Li eetalil li kixseeraqʼi li Jesús naxkʼutbʼesi naq aʼan inkʼaʼ naroybʼeni naq chixjunilebʼ li xtzolom juntaqʼeet xkʼihalil li kʼanjel li teʼxbʼaanu chiru li Yos.
-
Lu 21:2-4. Li Jesús kixkʼe xwankil li kixbʼaanu li malkaʼan li qʼaxal nebʼaʼ naq kixkʼe li tumin usta moko naabʼal ta.
-
Bʼar tqataw qametzʼew re naq tooruuq xbʼaanunkil li kʼanjel li naxkʼe qe li Jehobʼa?
2Co 4:7; Ef 3:20, 21; Flp 4:13
-
Ebʼ li eetalil li naxchap ribʼ rikʼin li naʼlebʼ aʼin:
-
2Ti 4:17. Li apóstol Pablo kixye naq junelik kixkʼul xmetzʼew naq kiʼajmank chiru xtawbʼal xmetzʼew.
-
Kʼaʼut naqataw xsahil qachʼool naq nokookʼanjelak chiru li Jehobʼa chi anchal qachʼool?
Maare twulaq ajwiʼ chaawu
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
