Ebʼ li eetalil li naxchap ribʼ rikʼin li naʼlebʼ aʼin:

• 1Re 19:​1-18. Naq kiyeechiʼiik xkamsinkil li propeet Elías, kixte li xchʼool chiru li Jehobʼa ut kixkʼul li xwaklesinkil ut xkʼojobʼankil xchʼool.

• Hch 7:​9-15. Naq xikʼ kiʼileʼk laj José xbʼaanebʼ li ras, li Jehobʼa kitenqʼank re, maajunwa kixkanabʼ xjunes, kixkol ut kiʼoksiik re naq truuq xkʼebʼal re li xjunkabʼal li naʼajmank chiru.

Ebʼ li eetalil li naxchap ribʼ rikʼin li naʼlebʼ aʼin:

• 2Re 18:​17-35. Laj rabsaqué aj numsihom raatin li awabʼej re Asiria, kixhobʼ li Jehobʼa ut kʼajoʼ kixseʼehebʼ laj Jerusalén.

• Lu 22:​63-65; 23:​35-37. Ebʼ li xikʼ nekeʼilok re li Jesús, xeʼxhobʼ, xeʼxseʼe naq xeʼxchap ut naq xeʼxtʼuyubʼ chiru cheʼ.

Ebʼ li eetalil li naxchap ribʼ rikʼin li naʼlebʼ aʼin:

• Hch 7:​57–8:1. Naq kamk re laj Esteban saʼ ruqʼ li kʼiila tenamit, kixtzʼaama re li Yos naq truxtaanahebʼ li yookebʼ chi rahobʼtesink re, saʼ xyanqebʼ aʼin wank chaq laj Saulo re Tarso.

• Hch 16:​22-34. Usta xeʼxteni ut xeʼxnatʼ li roq chiru cheʼ, li apóstol Pablo sa kiraatina laj ilol tzʼalam. Saʼ xkʼabʼaʼ aʼin, laj ilol tzʼalam ut chixjunilebʼ li wankebʼ saʼ rochoch xeʼok chi paabʼank.

Ebʼ li eetalil li naxchap ribʼ rikʼin li naʼlebʼ aʼin:

• 2Cr 32:​1-22. Naq ebʼ laj puubʼ li wankebʼ rubʼel xwankil li awabʼej Senaquerib, xeʼxsut li xtenamit li Yos re rechaninkil, li awabʼej Ezequías kixpatzʼ xtenqʼankil re li Jehobʼa ut kixkʼojobʼ xchʼool li tenamit. Saʼ xkʼabʼaʼ naq laj Ezequías kʼojkʼo xchʼool rikʼin li Yos kixkʼul xqʼajkamunkil.

• Heb 12:​1-3. Naq ebʼ li xikʼ nekeʼilok re li Jesús, xeʼraj xkʼebʼal saʼ xutaan; li Jesús maajunwa kixkanabʼ naq li xmaaʼusilalebʼ tixchʼina xchʼool.

Ebʼ li eetalil li naxchap ribʼ rikʼin li naʼlebʼ aʼin:

• Job 1:​6-22; 2:​1-10. Usta laj Job inkʼaʼ naxnaw naq laj Tza yook chi rahobʼtesink re, maajunwa kixkanabʼ li Jehobʼa, ut chi joʼkan kixkʼe xloqʼal li Yos ut kixkʼutbʼesi naq laj Tza aj tikʼtiʼ.

• Da 1:​6, 7; 3:​8-30. Laj Hananías, laj Misael ut laj Azarías (Sadrac, Mesac ut Abednego) maajunwa xeʼxkanabʼ kʼanjelak chiru li Jehobʼa chi moko xeʼxuwak ta rabʼinkil naq teʼkamsiiq, xeʼxkʼe bʼan chiʼubʼej xpaabʼankil li Jehobʼa. Ut saʼ xkʼabʼaʼ aʼin, li awabʼej Nabucodonosor kixkʼe xloqʼal li Jehobʼa chiru li komonil.

Ebʼ li eetalil li naxchap ribʼ rikʼin li naʼlebʼ aʼin:

• Hch 11:​19-21. Saʼ xkʼabʼaʼ li rahobʼtesiik, ebʼ laj paabʼanel xeʼxchaʼchaʼi ribʼ ut xeʼxkʼam li chaabʼil esil saʼ naabʼal chi naʼajej.

• Flp 1:​12, 13. Kʼajoʼ kisahoʼk saʼ xchʼool li apóstol Pablo chi xnawbʼal naq li chaabʼil esil yook chi wulak yalaq bʼar xbʼaan naq aʼan wank saʼ tzʼalam.

Ebʼ li eetalil li naxchap ribʼ rikʼin li naʼlebʼ aʼin:

• Hch 19:​24-29. Li wankebʼ Éfeso nekeʼxyiibʼ chaq li pechʼbʼil yos chirix li kokʼ ochoch re li xʼÁrtemis re xtawbʼalebʼ xtumin. Abʼan, ebʼ laj paabʼanel yookebʼ chaq xkʼebʼal resil naq moko us ta xloqʼoninkil li pechʼbʼil yos, joʼkan naq xeʼok chi rahobʼtesiik.

• Gál 1:​13, 14. Naq laj Pablo (Saulo) maajiʼ naʼok xtaqenkil li Kriist, kaw chaq xpaabʼal chirix li xkʼutumebʼ laj judiiy, joʼkan naq kʼajoʼ kixrahobʼtesihebʼ li nekeʼtaqenk re li Kriist.