Ebʼ li eetalil li naxchap ribʼ rikʼin li naʼlebʼ aʼin:

• 2Pe 2:5; Gé 7:23; Mt 24:​37-39. Usta laj Noé «kixkʼe chi naweʼk li tiikilal», li xkʼihalil li qas qiitzʼin inkʼaʼ xeʼabʼink chiru. Kaʼajwiʼ laj Noé ut li xjunkabʼal xeʼkoleʼk saʼ li Bʼutʼihaʼ.

• 2Ti 3:​10-14. Li apóstol Pablo kixye re laj Timoteo naq twanq xkuyum joʼ kixbʼaanu chaq aʼan.

Ebʼ li eetalil li naxchap ribʼ rikʼin li naʼlebʼ aʼin:

• Gé 4:​3-11; 1Jn 3:​11, 12. Li Santil Hu naxye naq laj Caín kixkamsi laj Abel li riitzʼin, ut kixbʼaanu aʼin xbʼaan naq maaʼus xnaʼlebʼ, abʼan laj Abel chaabʼil xnaʼlebʼ.

• Gé 37:​5-8, 18-28. Laj José kikuteʼk saʼ jul xbʼaanebʼ li ras ut xkʼayiik choʼq moos, jun rehebʼ xyaalal naq ebʼ li ras xeʼxbʼaanu aʼin, aʼan naq kixseeraqʼi rehebʼ li matkʼ li chalenaq rikʼin li Jehobʼa.

Ebʼ li eetalil li naxchap ribʼ rikʼin li naʼlebʼ aʼin:

• Da 3:​1-6, 13-18. Laj Sadrac, laj Mesac ut laj Abednego inkʼaʼ xeʼxloqʼoni li pechʼbʼil yos usta li awabʼej kixye naq teʼkamsiiq li inkʼaʼ teʼbʼaanunq re.

• Hch 5:​27-29, 33, 40-42. Ebʼ li apóstol inkʼaʼ xeʼxkanabʼ xkʼebʼal chi naweʼk li chaabʼil esil usta xyeemank rehebʼ naq teʼkamsiiq wi inkʼaʼ nekeʼxkanabʼ xbʼaanunkil.

Ebʼ li eetalil li naxchap ribʼ rikʼin li naʼlebʼ aʼin:

• Nú 20:​9-12; Dt 3:​23-28; 31:​7, 8. Usta laj Moisés kirahoʼk xchʼool naq kiqʼuseʼk xbʼaan li Jehobʼa, inkʼaʼ kixkanabʼ kʼanjelak chiru ut kixkʼutbʼesi li xkuyum toj saʼ li xkamik.

• 2Re 20:​12-18; 2Cr 32:​24-26. Naq li xpropeet li Jehobʼa kixqʼus li awabʼej Ezequías xbʼaan li kixmaakoni, laj Ezequías kixkʼulubʼa li xqʼusbʼal ut inkʼaʼ kixkanabʼ kʼanjelak chiru li Jehobʼa.

Ebʼ li eetalil li naxchap ribʼ rikʼin li naʼlebʼ aʼin:

• Sl 73:​2-24. Naq jun rehebʼ li winq li kixtzʼiibʼa li salmo kixkʼe reetal naq li maaʼusebʼ xnaʼlebʼ us nekeʼelk ut sa wankebʼ, kiʼok xkʼoxlankil naq ma wank tawiʼ xyaalal kʼanjelak chiru li Jehobʼa.

• Jn 6:​60-62, 66-68. Usta naabʼalebʼ xeʼxkanabʼ xtaqenkil li Jesús, li apóstol Pedro kixkuy xtaqenkil ut inkʼaʼ kixkanabʼ saʼ xkʼabʼaʼ li xpaabʼal.

Ebʼ li eetalil li naxchap ribʼ rikʼin li naʼlebʼ aʼin:

• Da 6:​4-11. Li propeet Daniel junelik kitijok chiru li Yos ut maajunwa kixmuq ribʼ usta aʼin kixkʼe saʼ xiwxiw li xyuʼam.

• Mt 26:​36-46; Heb 5:7. Naq jun qʼoqyink chik ma nakamk, li Jesús kitijok chiru li Jehobʼa chi anchal xchʼool ut kixye rehebʼ li junchʼol naq teʼxbʼaanu ajwiʼ aʼin.

Ebʼ li eetalil li naxchap ribʼ rikʼin li naʼlebʼ aʼin:

• Job 1:​6-12; 2:​3-5. Laj Tza kixye naq ebʼ li qas qiitzʼin nekeʼkʼanjelak chiru li Jehobʼa yal re naq teʼkoleʼq xbʼaan, abʼan laj Job kixkuy li rahilal ut chi joʼkan kixkʼutbʼesi naq moko yaal ta li kixye laj Tza.

• Ro 5:19; 1Pe 1:​20, 21. Li Jesús kixkʼutbʼesi li xkuyum chalen saʼ li xkamik; chi joʼkan kixkʼutbʼesi naq jun li winq li tzʼaqal re ru li xyuʼam naru nawank chi xaqxo chiru li Yos, usta qʼaxal ra yooq xkʼulbʼal. Abʼan moko joʼkan ta kinaʼlebʼak laj Adán, aʼan kixqʼet ribʼ chiru li Yos.