Naʼuxtaanank u
Bʼar wank rehebʼ li naʼlebʼ li naxchap ribʼ rikʼin li uxtaanank u?
-
Ebʼ li eetalil li naxchap ribʼ rikʼin li naʼlebʼ aʼin:
-
Sl 51:3, 4. Li awabʼej David kixtzʼaama re li Jehobʼa naq t-uxtaanaaq ru, naq tkuyeʼq xmaak ut naq tchʼajobʼresiiq li xmaak.
-
Lu 10:29-37. Li Jesús kixseeraqʼi jun li eetalil chirix jun li winq aj Samaria li kiruxtaana ru jun laj judiiy re xkʼutbʼal li naraj xyeebʼal li uxtaanank u.
-
Kʼaʼut chiqajunilo naqaj naq teʼruxtaana qu?
Sl 130:3; Ec 7:20; 1Jn 1:8
Taawil ajwiʼ 1Re 8:46-50.
Chanru naqanaw naq li Jehobʼa naʼuxtaanank u?
Éx 34:6; Ne 9:17; Sl 103:8; 2Co 1:3
-
Ebʼ li eetalil li naxchap ribʼ rikʼin li naʼlebʼ aʼin:
-
Job 42:1, 2, 6-10; Snt 5:11. Li Jehobʼa kiruxtaana ru laj Job ut kixkʼut chiru naq tento tixyuʼami li uxtaanank u.
-
Lu 15:11-32. Li Jesús kixjuntaqʼeeta li ruxtaan li Jehobʼa rikʼin jun li yuwaʼbʼej li naruxtaana ru li ralal li kixqʼet ribʼ chiru abʼan naxyotʼ xchʼool ut naxjal xnaʼlebʼ.
-
Kʼaʼut naruxtaana qu li Jehobʼa?
Taawil ajwiʼ Tit 3:4, 5.
Chanru naxchap ribʼ li xkamik li Kriist rikʼin naq tkuymanq qamaak?
Kʼaʼut tento tqatzʼaama re li Jehobʼa naq truxtaana qu ut junelik tqabʼanyoxi li ruxtaan?
-
Ebʼ li eetalil li naxchap ribʼ rikʼin li naʼlebʼ aʼin:
-
Sl 51:3-6. Naq li awabʼej David kimaakobʼk chiru li Jehobʼa, kʼajoʼ kirahoʼk xchʼool joʼkan naq kixkubʼsi ribʼ chiru, kixtzʼaama naq t-uxtaanaaq ru ut tkuyeʼq xmaak.
-
Lu 18:9-14. Li Jesús kiroksi jun li eetalil re xkʼutbʼesinkil naq li Jehobʼa naruxtaanahebʼ li nekeʼxkubʼsi ribʼ ut nekeʼxkʼulubʼa naq xeʼmaakobʼk.
-
Usta nim ru li xmaak jun li qas qiitzʼin, chanru naqanaw naq naru naʼuxtaanaak ru xbʼaan li Jehobʼa?
Dt 4:29-31; Is 55:7
-
Ebʼ li eetalil li naxchap ribʼ rikʼin li naʼlebʼ aʼin:
-
2Cr 33:9-13, 15. Usta laj Manasés li awabʼej qʼaxal maaʼus chaq xnaʼlebʼ, kixyotʼ xchʼool ut kixjal xnaʼlebʼ ut kixtzʼaama re li Jehobʼa naq t-uxtaanaaq ru. Ut naq kikʼeheʼk wiʼ chik choʼq awabʼej kixkʼutbʼesi naq kixkanabʼ xbʼaanunkil li maaʼusilal.
-
Jon 3:4-10. Usta ebʼ laj Nínive nekeʼwulak chaq chiru li raaxiikʼ ut xkamsinkil naabʼalebʼ li qas qiitzʼin, xeʼxyotʼ xchʼool ut xeʼxjal xnaʼlebʼ, ut li Yos kiruxtaana ruhebʼ.
-
Wi naqaj naq li Jehobʼa truxtaana qu, kʼaʼut wank xwankil naq tqaye li qamaak ut tqakanabʼ maakobʼk?
Sl 32:5; Pr 28:13; 1Jn 1:9
Usta li Jehobʼa truxtaana qu, maare toj tooqʼuseʼq ut tqakʼul wiibʼ oxibʼ li chʼaʼajkilal saʼ xkʼabʼaʼ li xqamaakoni
Éx 34:6, 7; 2Sa 12:9-13
Kʼaʼut tento tooʼuxtaananq u?
Ma toowanq choʼq ramiiw li Jehobʼa wi inkʼaʼ nokooʼuxtaanank u?
Taawil ajwiʼ Pr 21:13.
-
Ebʼ li eetalil li naxchap ribʼ rikʼin li naʼlebʼ aʼin:
-
Mt 18:23-35. Li Jesús kiroksi jun li eetalil re xkʼutbʼal chiqu naq li Jehobʼa inkʼaʼ truxtaana qu wi inkʼaʼ nokooʼuxtaanank u.
-
Lu 10:29-37. Li jaljokil ru aatin chirix li winq aj Samaria naxkʼut chiqu naq li Jehobʼa ut li Jesús nekeʼwulak chiru naq ebʼ li qas qiitzʼin nekeʼuxtaanank u, abʼan nekeʼxtzʼeqtaana li inkʼaʼ nekeʼuxtaanank u.
-
Chanru naril li Jehobʼa li nekeʼuxtaanank u?
Maare twulaq ajwiʼ chaawu
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
