Ebʼ li eetalil li naxchap ribʼ rikʼin li naʼlebʼ aʼin:

• Ec 12:​1-8 TNM. Li awabʼej Salomón kiroksi li uutzʼuʼujinbʼil aatin re xchʼolobʼankil wiibʼ oxibʼ li chʼaʼajkilal li naxkʼam chaq li tiixilal joʼ li mutzʼil («ebʼ li qanaʼchin li nekeʼilok saʼ bʼentaan» qʼeq nekeʼril) ut li tzʼapxikil («ebʼ li koʼbʼej li nekeʼbʼichank» maakʼaʼebʼ xmetzʼew).

Ebʼ li eetalil li naxchap ribʼ rikʼin li naʼlebʼ aʼin:

• 1Sa 12:​2, 23. Naq qʼaxal tiix li propeet Samuel inkʼaʼ kixkanabʼ tijok chirix li xtenamit li Jehobʼa xbʼaan naq chʼolchʼo chiru naq aʼin wank xwankil.

• 2Sa 19:​31-39. Li awabʼej David kiroxloqʼi naq maajunwa kikanabʼaak xbʼaan laj Barzilái, usta tiix chik. Ut naq kiyeeheʼk re, naq tixkʼe xtzʼaqobʼ li xkʼanjel, inkʼaʼ kixkʼulubʼa xbʼaan naq chʼolchʼo chiru naq tiix chik.

•  Sl 71:​9, 18. Naq tiix chik li awabʼej David kiʼok xkʼaʼuxl xbʼaan naq kixkʼoxla naq inkʼaʼ chik truuq chi kʼanjelak chiru li Jehobʼa. Joʼkan naq kixtzʼaama chiru li Yos naq inkʼaʼ ttzʼeqtaanaaq ut tkʼeheʼq xmetzʼew re naq truuq chi aatinak chirix rikʼinebʼ li toj teʼyoʼlaaq.

• Lu 2:​36-38. Li xʼAna li propeet, malkaʼan ut qʼaxal tiix chik, kiʼosobʼtesiik xbʼaan naq maajunwa kixkanabʼ kʼanjelak chiru li Jehobʼa.

Ebʼ li eetalil li naxchap ribʼ rikʼin li naʼlebʼ aʼin:

• Gé 12:​1-4. Naq 75 chihabʼ wank re laj Abrahán, li Jehobʼa kixkʼe re jun li kʼanjel li tjaloq re xyuʼam.

• Da 10:​11, 19; 12:13. Jun li ánjel kirulaʼani li propeet Daniel naq numenaq 90 chihabʼ re. Li ánjel aʼin kixye re laj Daniel naq qʼaxal oxloqʼ chiru li Jehobʼa ut tqʼajkamuuq xbʼaan naq maajunwa kixkanabʼ kʼanjelak chiru.

• Lu 1:​5-13. Li Jehobʼa kirosobʼtesi laj Zacarías ut li xʼElisabet re naq teʼruuq chi wank jun li xkʼuulaʼal aʼ laj Juan. Li sumal aʼin ak tiixebʼ chik.

• Lu 2:​25-35. Li Jehobʼa kirosobʼtesi laj Simeón naq tiix chik rikʼin rilbʼal li kʼuulaʼal li tkanaaq choʼq li Sikʼbʼil Ru; chirix chik aʼan, laj Simeón kixye jun li propesiiy chirix li kʼuulaʼal aʼin.

• Hch 7:​23, 30-36. Naq wank 80 chihabʼ re li propeet Moisés kixaqabʼaak chi xjolominkilebʼ laj Israel aʼ li xtenamit li Yos.

Ebʼ li eetalil li naxchap ribʼ rikʼin li naʼlebʼ aʼin:

• Gé 45:​9-11; 47:12. Laj José kixtaqla xkʼambʼal chaq laj Jacob li xyuwaʼ ut kiril toj saʼ xkamik. Laj Jacob qʼaxal tiix chik.

• Rut 1:​14-17; 2:​2, 17, 18, 23. Li xRut kixtenqʼa li xNoemí naq tiix chik, ut kixkʼutbʼesi aʼin rikʼin raatin ut rikʼin xbʼaanuhom.

• Jn 19:​26, 27. Naq li Jesús yook chi kamk chiru cheʼ, kixye re laj Juan li ramiiw li raaro xbʼaan, naq tril li xMaría li xnaʼ.