Tijok
Chanru naqanaw naq li Jehobʼa narabʼi ut naxsume li qatij?
Sl 65:3; 145:18; 1Jn 5:14
Taawil ajwiʼ Sl 66:19; Hch 10:31; Heb 5:7.
-
Ebʼ li eetalil li naxchap ribʼ rikʼin li naʼlebʼ aʼin:
-
1Re 18:36-38. Li Jehobʼa kixsume saʼ junpaat li tij li kixbʼaanu laj Elías saʼ li tzuul Carmelo naq kixtaw ribʼ rikʼinebʼ li xpropeet laj Baal.
-
Mt 7:7-11. Li Jesús naxye qe naq inkʼaʼ tqakanabʼ tijok ut naq li Jehobʼa narabʼi li qatij xbʼaan naq aʼan jun li Yuwaʼbʼej li qʼaxal narahok.
-
Kaʼajwiʼ chiru ani tento teʼtijoq ebʼ laj paabʼanel?
Saʼ xkʼabʼaʼ ani nokootijok?
Anihebʼ narabʼi li Jehobʼa?
Anihebʼ inkʼaʼ nekeʼabʼiik xbʼaan li Jehobʼa?
Pr 15:29; 28:9; Is 1:15; Miq 3:4; Snt 4:3; 1Pe 3:7
-
Ebʼ li eetalil li naxchap ribʼ rikʼin li naʼlebʼ aʼin:
-
Jos 24:9, 10. Li Jehobʼa inkʼaʼ kirabʼi laj Balaam xbʼaan naq li kixtzʼaama inkʼaʼ naxchap ribʼ rikʼin li rajom li Yos.
-
Is 1:15-17. Li Jehobʼa inkʼaʼ kirabʼihebʼ laj Israel xbʼaan naq xeʼok chi naʼlebʼak saʼ kaʼpakʼal u ut naabʼalebʼ li qas qiitzʼin xeʼxkamsi.
-
Kʼaru naqaye naq nokooraqeʼk chi tijok ut kʼaʼut?
1Cr 16:36; Sl 41:13; 72:19; 89:52; 1Co 14:16
Ma naxye li Santil Hu chanru tqakʼe qibʼ naq tootijoq?
1Re 8:54; Mr 11:25; Lu 22:39, 41; Jn 11:41
Taawil ajwiʼ Jon 2:1.
Chirix kʼaru naru nekeʼtijok ebʼ li xmoos li Jehobʼa naq nekeʼxchʼutubʼ ribʼ chi xloqʼoninkil ru?
-
Ebʼ li eetalil li naxchap ribʼ rikʼin li naʼlebʼ aʼin:
-
1Cr 29:10-19. Naq ebʼ laj Israel wankebʼ saʼ komonil, laj David kitijok xbʼaan naq xxokmank li tumin choʼq re li rochoch li Yos.
-
Hch 1:12-14. Ebʼ li apóstol, ebʼ li riitzʼin ut li xnaʼ li Jesús ut jalanebʼ chik li ixq li junelik xeʼtaqenk re li Jesús, xeʼtijok saʼ komonil saʼ xkabʼ xtasalil jun li ochoch re Jerusalén.
-
Naq tootijoq, kʼaʼut inkʼaʼ us naq tqanima qibʼ yal re naq tooʼileʼq?
Kʼaʼut xbʼeenwa tootijoq tojaʼ naq toowaʼaq?
Kʼaʼut maajunwa tqakanabʼ tijok chiru li Qayuwaʼ li wank saʼ choxa?
Ro 12:12; Ef 6:18; 1Te 5:17; 1Pe 4:7
-
Ebʼ li eetalil li naxchap ribʼ rikʼin li naʼlebʼ aʼin:
-
Da 6:6-10. Laj Daniel maajunwa kixkanabʼ tijok chi moko kixmuq ta ribʼ usta li xyuʼam wank saʼ xiwxiw.
-
Lu 18:1-8. Li Jesús kiroksi li eetalil chirix jun laj raqol aatin li maaʼus xnaʼlebʼ. Laj raqol aatin kixtenqʼa jun li ixq li inkʼaʼ naxkanabʼ chaq xchʼiʼchʼiʼinkil. Rikʼin li eetalil aʼin kixchʼolobʼ naq li Qayuwaʼ li wank saʼ choxa junelik naraj xsumenkil li tij li nekeʼxbʼaanu li xmoos.
-
Chanru tento toonaʼlebʼaq naq tootijoq chiru li Yos re xpatzʼbʼal xkuybʼal qamaak?
2Cr 7:13, 14
-
Ebʼ li eetalil li naxchap ribʼ rikʼin li naʼlebʼ aʼin:
-
2Re 22:11-13, 18-20. Li Jehobʼa kirusila ut kiruxtaana ru laj Josías li awabʼej xbʼaan naq kixkubʼsi ribʼ ut kixkʼe xqʼe re xsahobʼresinkil xchʼool li Jehobʼa.
-
2Cr 33:10-13. Saʼ xkʼabʼaʼ naq laj Manasés kixkubʼsi ribʼ naq kitijok, li Jehobʼa kixkuy xmaak ut kixkʼe wiʼ chik choʼq awabʼej.
-
Kʼaru tento tqabʼaanu wi naqaj naq li Jehobʼa tixkuy qamaak?
Kʼaʼut us raj naq tqatzʼaama saʼ li qatij naq t-uxq li rajom li Yos?
Kʼaʼut tento tixkʼutbʼesi li qatij naq kʼojkʼo qachʼool rikʼin li Qayuwaʼ li wank saʼ choxa?
Bʼar wank wiibʼ oxibʼ li naʼlebʼ li tooruuq xtzʼaamankil saʼ li qatij?
Naq tsantobʼresiiq xkʼabʼaʼ li Yos
Naq tchalq li Xʼawabʼejilal li Yos ut tixjolomi chixjunil li Ruuchichʼochʼ
Naq ttzʼaqloq ru li rajom li Jehobʼa
Naq li Yos tixkʼe qe li naʼajmank chiqu
Naq tixkuy qamaak
Da 9:19; Lu 11:4
Naq tooxkol chiru li aaleek
Naq junelik toobʼanyoxinq
Naq tixkʼe qanawom, qanaʼlebʼ ut tooxtenqʼa chi xtawbʼal ru li rajom
Taawil ajwiʼ Sl 119:34.
-
Ebʼ li eetalil li naxchap ribʼ rikʼin li naʼlebʼ aʼin:
-
1Re 3:11, 12. Li Jehobʼa kiwulak chiru naq laj Salomón kixpatzʼ xnaʼlebʼ ut kikʼeheʼk re chi yoʼon li kixtzʼaama.
-
Naq tixkʼe qe li xsantil musiqʼej
Naq tixtenqʼa chixjunilebʼ li qechpaabʼanel joʼ ajwiʼ li yookebʼ chi rahobʼtesiik
Naq junelik tqanima ru li Jehobʼa
Sl 86:12; Is 25:1; Da 2:23
-
Ebʼ li eetalil li naxchap ribʼ rikʼin li naʼlebʼ aʼin:
-
Lu 10:21. Li Jesús kixnima ru li Xyuwaʼ chiruhebʼ li junchʼol xbʼaan naq kixkʼe chi xnawbʼal li yaal rehebʼ li nekeʼxkubʼsi ribʼ joʼebʼ li kokʼal.
-
Ap 4:9-11. Chixjunilebʼ li xmoos li Yos li wankebʼ saʼ choxa nekeʼxkʼe xloqʼal ut nekeʼxnima ru joʼ chanru xkʼulubʼ.
-
Naq li Jehobʼa trekʼasi xchʼoolebʼ li wankebʼ xwankil re naq tooʼeʼxkanabʼ xkʼebʼal resil li Raatin ut xloqʼoninkil ru saʼ xyaalal
Taawil ajwiʼ Jer 29:7.
Naq yooq chi kubʼeek qahaʼ, ma us naq yooqo ajwiʼ chi tijok?
Ma naru nokootijok chirixebʼ li moko kawebʼ ta li xpaabʼal?
Kʼaʼut ebʼ li winq inkʼaʼ nekeʼxtzʼap xjolom naq nekeʼtijok? Ut, kʼaʼut ebʼ li ixq wank sut nekeʼxtzʼap xjolom naq nekeʼtijok?
Usta wankebʼ li qas qiitzʼin nekeʼxkʼoxla naq tento naq najtaq roq li qatij malaj tqabʼaanu rikʼin xjapbʼal qe, rikʼin yaabʼak malaj rikʼin junaq chik li naʼlebʼ, abʼan kʼaru tzʼaqal wank xwankil chiru li Yos?
Lam 3:41; Mt 6:7
-
Ebʼ li eetalil li naxchap ribʼ rikʼin li naʼlebʼ aʼin:
-
1Re 18:25-29, 36-39. Laj Elías kixye rehebʼ li xpropeet laj Baal naq teʼtijoq chiruhebʼ li xyos ut xeʼtijok chiru naabʼal hoor, abʼan maakʼaʼ ajʼe.
-
Hch 19:32-41. Ebʼ li nekeʼxloqʼoni li pechʼbʼil yos aran Éfeso, wiibʼ hoor tzʼaqal xeʼxjap re chi bʼichank chiru li yos Ártemis, abʼan maakʼaʼ ajʼe li xeʼxbʼaanu, kaʼajwiʼ xchʼilankil xeʼxtaw rikʼin li najolomink re li poopol.
-
Maare twulaq ajwiʼ chaawu
EBʼ LI PATZʼOM CHIRIX LI SANTIL HU
Ma narabʼi li qatij li Yos?
Li tento tqabʼaanu re naq li Yos tixsume li qatij.
LAJ KʼAAKʼALEHOM
Kʼaʼut naq tootijoq saʼ xkʼabʼaʼ li Jesús?
Naq jun qʼoqyink aj chik kiwank saʼ Ruuchichʼochʼ kixte jun li bʼe re nachʼok rikʼin li Yos.
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
