Li uuchil kʼabʼaʼej li nanimank u
Ma us naq ebʼ li tzʼaqal aj paabʼanel teʼroksi li uuchil kʼabʼaʼej saʼebʼ li xpaabʼal re xnimankil ru junaq li qas qiitzʼin?
Ebʼ li eetalil li naxchap ribʼ rikʼin li naʼlebʼ aʼin:
Lu 18:18, 19. Usta qʼaxal chaabʼil li Jesús, maajunwa kixkanabʼ naq tyeeheʼq re «Chaabʼil Kʼutunel», ut chi joʼkan kixkʼutbʼesi naq kaʼajwiʼ li Jehobʼa chaabʼil saʼ chixjunil.
Kʼaʼut naq ebʼ li tzʼaqal aj paabʼanel inkʼaʼ teʼroksi saʼebʼ li xpaabʼal li uuchil kʼabʼaʼej joʼ «padre» malaj re xkʼabʼaʼinkilebʼ li nekeʼtaqlank saʼebʼ li paabʼal chanchan tawiʼ aʼanebʼ li nekeʼkʼamok bʼe?
Ebʼ li eetalil li naxchap ribʼ rikʼin li naʼlebʼ aʼin:
Mt 23:9-12. Li Jesús kixye naq maajunwa t-oksimanq li uuchil kʼabʼaʼej li nanimank u joʼ «padre» malaj «aj kʼamolbʼe».
1Co 4:14-17. Usta naabʼalebʼ nekeʼril li apóstol Pablo joʼ jun li yuwaʼbʼej, maaʼani kiyeehok re «padre Pablo» chi moko junaq chik li kʼabʼaʼej re xnimankil ru.
Kʼaʼut us naq ebʼ li tzʼaqal aj paabʼanel teʼxye ribʼ «hermaan» ut teʼril ribʼ chanchan tawiʼ xkomonebʼ ribʼ?
Taawil ajwiʼ Hch 12:17; 18:18; Ro 16:1.
Ebʼ li eetalil li naxchap ribʼ rikʼin li naʼlebʼ aʼin:
Mt 12:46-50. Li Jesús kixye chi tzʼaqal re ru naq chixjunilebʼ li teʼloqʼoninq re li Jehobʼa chanchanaqebʼ riitzʼin ut ranabʼ.
Chanru naqanaw naq moko maak ta naq ebʼ li tzʼaqal aj paabʼanel teʼroksi li uuchil kʼabʼaʼej re xkʼabʼaʼinkilebʼ li awabʼej, ebʼ laj raqol aatin ut li wankebʼ xwankil?
Ebʼ li eetalil li naxchap ribʼ rikʼin li naʼlebʼ aʼin:
Hch 26:1, 2, 25. Naq li apóstol Pablo kiʼaatinak rikʼinebʼ li awabʼej joʼ laj Agripa malaj laj Festo, kiroksi li uuchil kʼabʼaʼej li oksinbʼil chaq saʼ li tenamit.
Maare twulaq ajwiʼ chaawu
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
